МАКТАБИ ВОИЗОНИ ХУШХАБАР Пешравоне, ки синну солашон аз 23 то 65 асту мехоҳанд доираи хизматашонро васеъ карда, дар Мактаби воизони хушхабар таҳсил кунанд, рӯзи якшанбе ба вохӯрии махсус даъват карда мешаванд. Баъдтар дар бораи соату ҷойи вохӯрӣ аниқтар эълон карда мешавад.

ШАХСОНИ ХИЗМАТРАСОН Ин шахсон барои он таъйин шудаанд, ки ба шумо ёрдам кунанд. Илтимос, бо онҳо ҳамкорӣ карда ба дастуроташон оиди дар куҷо мондани мошин, ҷамъшавии одамон, ишғол кардани ҷой ва ғайра бодиққат бошед.

ТАЪМИД Барои онҳое, ки таъмид гирифтанианд, дар толори асосӣ дар қатори якум ҷойи махсус ҷудо карда шудааст (агар дигар дастурот дода нашуда бошад). Таъмидгирандагон бояд ҷойҳои худро рӯзи шанбе пеш аз сар шудани нутқ барои таъмид ишғол кунанд. Ҳар яки онҳо бояд бо худ барои таъмид либоси хоксорона ва сачоқ биёранд.

ХАЙРИЯ Дар анҷуман барои ҳозирон ҷойи нишаст муҳайё карда шудааст, таҷҳизот барои баландкунии овоз ва видеонаворҳо дастрас шудаанд, то ки анҷуман нағз гузарад ва муносибатамон бо Яҳува қавӣ гардад. Ҳамчунин шӯъбаҳои гуногун барои хизматрасонӣ омода шудаанд. Барои ҳамаи ин маблағ ҷудо карда шудааст. Хайрияи шумо барои рӯпӯш  кардани хароҷоти анҷуман ва кори умумиҷаҳонӣ ёрдам мекунад. Қуттиҳо барои хайрия дар ҷои намоён ҷойгир шудаанд ва навиштаҷоти махсус доранд. Хайрияи шумо қадр карда мешавад. Ҳайати роҳбарикунанда хеле миннатдор аст, ки шумо кори мавъизаро дастгирӣ мекунед.

ЁРИИ ТАЪҶИЛӢ Илтимос, дар хотир доред, ки ин шӯъба ТАНҲО ДАР ҲОЛАТИ ТАЪҶИЛӢ кӯмак мерасонад.

ШӮЪБАИ БОЗЁФТҲО Ҳамаи чизҳои ёфташуда бояд ба Шӯъбаи бозёфтҳо баргардонида шаванд. Агар шумо ягон чизи худро гум карда бошед, ба ин шӯъба муроҷиат кунед ва дар бораи ашёи худ маълумот диҳед. Кӯдаконе, ки волидонашонро гум карданд, бояд ба ин шӯъба бурда шаванд. Барои дигаронро ташвиш надодан, илтимос, кӯдаконатонро назорат кунед ва ҳамроҳашон бошед.

ҶОЙ Илтимос, нисбати дигарон беаҳамиятӣ накунед. Дар хотир доред, ки танҳо барои аъзои оила ва онҳое, ки бо шумо дар як нақлиёт омаданд, онҳое, ки бо шумо меистанд ё барои омӯзандагонатон ҷой гирифта метавонед. Илтимос, ба дигар ҷойҳои нишаст ягон чиз намонед, то дигарон фаҳманд, ки он ҷойҳо холианд.

ИХТИЁРИЁН Агар шумо дар рӯбучини Толори анҷуман ёрдам доданӣ бошед, лутфан, ба Шӯъбаи маълумот ва ихтиёриёни анҷуман муроҷиат кунед.