Не. Мо, Шоҳидони Яҳува, масеҳӣ мебошем ва худро протестант намешуморем. Чаро?

Протестантизм ин «гурӯҳи мазҳабиест, ки зидди дини католикӣ» мебошад. Дуруст аст, ки мо, Шоҳидони Яҳува, бо бисёр таълимоти калисои католикӣ розӣ нестем, аммо бо сабабҳои зерин худро протестант намеҳисобем:

1. Бисёр чизҳое, ки протестантҳо ба он бовар мекунанд, бар зидди Китоби Муқаддас мебошад. Масалан, Китоби Муқаддас таълим медиҳад, ки «Худо ягона аст» на Сегона (1 Тимотиюс 2:5; Юҳанно 14:28). Инчунин дар он аниқу равшан гуфта шудааст, ки Худо одамони бадро дар дӯзах азоб намедиҳад, балки онҳоро абадан нест мекунад (Забур 37:9; 2 Таслӯникиён 1:9).

2. Мо зидди калисои католикӣ ё ягон дини дигар нестем ва кӯшиш намекунем, ки онҳоро ислоҳ кунем. Мо танҳо хушхабари Салтанати Худоро ба одамон мерасонем ва ба онҳо ёрдам мекунем, ки ба ин хушхабар имон оранд (Матто 24:14; 28:19, 20). Мақсади мо ислоҳ кардани дигар динҳо нест. Мақсади мо одамони самимиро, ки дар бораи Худо ва Каломи Ӯ, Китоби Муқаддас, бештар фаҳмидан мехоҳанд, таълим додан аст (Қӯлассиён 1:9, 10; 2 Тимотиюс 2:24, 25).5.