Ёрдамчии Кумитаи нависандагии Ҳайати роҳбарикунанда Харолд Конкерн бо нутқи «Ҳамаи имкониятҳои худро ба кор баред» баромад карда истодааст. Барои рӯҳбаланд кардани сохтмончиён бародарон мунтазам ба Уорвик бо нутқ ташриф меоранд.

Бино бо маводи сафеди полиэтиленӣ пӯшонида шудааст, то дар зимистон низ корҳои сохтмонӣ идома ёбанд. Дар ин қисми бино ошхона, шӯъбаи тиббӣ, ошпазхона ва ҷомашӯйхона ҷойгир мешаванд.

Электрикҳо барои гузаронидани кабел тайёрӣ мебинанд. Дар биноҳои истиқоматӣ аллакай зиёда аз 12 000 метр кабел гузаронида шуд. Корҳои электрикӣ дар Уорвик даррав баъди харидани қитъаи замин сар шуд ва то анҷоми сохтмон давом мекунад.

Сохтмончӣ пешайвонро бо скотчи технологӣ барои гидроизолятсия тайёр карда истодааст. Барои айвонҳои ошёнаи болоро аз намӣ муҳофизат кардан онро бо полиметилметакрилат (ПММА) мепӯшонанд, ки дар ҳолати моеъ буданаш истифодаи он осонтар аст ва он дар натиҷа ба пленкаи обногузар табдил меёбад.

Падаре бо духтараш барои бо барқ таъмин кардани биноҳои истиқоматӣ симҳои барқро гузаронда истодаанд.

Сохтмончиён дар ошхонаи муваққатӣ хӯроки нисфирӯзӣ хӯрда истодаанд. Ҳар рӯз барои зиёда аз 2000 кас хӯроки нисфирӯзӣ тайёр карда мешавад.

Бригадаи сохтмончиён арматурҳоро барои таҳхона часпонида истодаанд, ки дар он ҷо устохона мешавад.

Мактубҳои кӯдаконе, ки минатдориашонро ба сохтмончиён изҳор карданд. Ихтиёриёни бисёр ба муддати кӯтоҳ мебиёянд. Ҳар ҳафта тақрибан 500 коргари нав ба сохтмон ҳамроҳ мешавад. Моҳи феврал ҳар рӯз қариб 2500 ихтиёриён дар Уорвик кор карданд.

Тақрибан 60 фоизи корҳои сохтмонӣ ба анҷом расидааст. Аз моҳи январ то апрели 2015 биноҳои истиқоматиро бардоштанд ва конструксияи металии бинои маъмурӣ-хоҷагидориро васл карданд. Ғайр аз ин сохтмончиён сохтани пойдевори устохона, гузариши бомдор байни биноҳои истиқоматӣ ва таъмири сарбанди кӯли Стерлинг-Форестро (кӯли Кабуд) сар карданд.

Ҷой барои зинапоя (намуд аз поён). Қолаби ин зинапояи панҷошёнаро пудратчиён (подрядчики) сохтанду ихтиёриён аз байни Шоҳидони Яҳува бетонашро рехтанд.

Сохтмончиён дар ҳавои хунук барои боми ошёнаи якумро маҳкам кардан, арматурҳоро часпонда истодаанд. Аз моҳи январ то моҳи март дар Уорвик барф борид, ки баландиаш қариб то ба 127 сантиметр мерасид. Бригадаҳои махсус майдонҳои кориро аз барф тоза карданд, ғайр аз ин пунктҳое буданд, ки дар он ҷо сохмончиён гарм шуда метавонистанд.

Бо шиферҳои металлӣ бомпӯш карда истодаанд. Охири апрел сохтмони қисми зиёди бомҳо ба анҷом расид. Сохтмони боми охирин дар бинои истиқоматии B дар байнҳои моҳи июн ба нақша гирифта шуда буд.

Намуд аз кабинаи кран сӯи бинои истиқоматии B.

Сантехникон дар истгоҳ барои мошини шахсӣ нақшаеро муҳокима мекунанд. Барои сохтмони Уорвик зиёда аз 3400 нақшаҳои тасдиқшуда лозим шуд.

Сохтмончиён дар болобардор истода барои эҳтиёт кардани бино онро бо маводи полиэтиленӣ рӯпӯш карда истодаанд. Барои онҳое ки мошинҳои болобардор ва дигар таҷҳизотҳоро идора мекунанд, барномаҳои таълимӣ пешбинӣ шудааст. Дар ин гуна барномаҳо қоидаҳои бехатарӣ ҳангоми кор дар баландӣ, болобардорҳо, бандубасти чизҳои вазнини сохтмонӣ, ҳамчунин ишораҳои махсуси бехатарӣ ва истифодаи респиратор фаҳмонида мешавад.

Биноҳои истиқоматӣ (намуд ба самти ғарб). Дар охири апрел часпонидани таҷҳизоти электрикӣ, гармидиҳӣ ва ҳавотозакунӣ дар биноҳои истиқоматии А, В ва D чи хеле ки дар расм нишон дода шудааст, дар авҷ буд. Дар бинои истиқоматии С (дар расм оварда нашудааст) сохтани деворҳо аз гипсакартон, рангкунӣ ва кафелчаспонӣ сар шуд.

Ду сохтмончӣ ба воситаи мошини болобардор деворҳоро бо мақсади аз шамол муҳофизат кардан онро бо маводи махсус рӯпӯш карда истодаанд. Барои тамоми биноҳои истиқоматиро бо ин мавод рӯпӯш кардан ду моҳ лозим аст.

Сохтмончиён деворро аз гранит бардошта истодаанд. Дар ин қисми бино майдон барои боркуниву борфарорӣ ва дигар хизматрасониҳои иловагӣ ҷойгир мешавад.

Бародарон барои иваз кардани клапани кӯҳнаи кӯли Кабуд оббозеро (водолаз) даъват карданд. Акнун ҳангоми тӯфон бо пахш кардани як тугмача сатҳи оби кӯлро паст кардан мумкин аст, то ки обхезӣ бартараф гардад.