ኦንላይን ከይኰንካ ኣማእታት መጻሕፍትን ብሮሹራትን ትራክትታትን ቪድዮታትን ኣብ JW Library ከተንብብን ክትርእን ትኽእል ኢኻ።

ሕታማት ኣራጊፍካ ኽትጥቀም እንተ ደሊኻ፡ ነዚ ዚስዕብ መምርሒታት ስዓብ፦

•  ሕታማት ኣራግፍ

•  ሕታማት ደምስስ

•  ሕታማት ኣዘምን

ነቲ ኻብ ኢንተርነት ዘራገፍካዮ ሕታማት፡ ኢንተርነት ከይወላዕካ ኸተንብቦን ከተጽንዖን ትኽእል ኢኻ።

• ዝርዝር ሕታማት ክትርኢ እንተ ደሊኻ፡ ነቲ ተመዛዚ ሓበሬታ ኸፊትካ ነታ Publications እትብል ምልክት ጠውቃ።

• እተፈላለየ ሕታማት ከተራግፈሉ እትኽእል ቋንቋታት ንምርካብ ድማ፡ ነታ ምልክት ቋንቋታት ጠውቃ። ነቲ ኽትርእዮ ዝደለኻ ቛንቋ ሕረ። ብዙሕ ሳዕ እትጥቀመሉ ቛንቋታት ኣብ ላዕሊ ተሰሪዑ ኺጸንሓካ እዩ። ስም እቲ ዝደለኻዮ ቛንቋ ምስ እትጽሕፍ እውን፡ ኣብቲ ዝርዝር ክትረኽቦ ትኽእል ኢኻ።

ነቲ ኣብ JW Library ዝወጸ ሕታማት ብእተፈላለየ መገዲ ኽትረኽቦ ትኽእል ኢኻ።

እቲ By Type ዚብል ክፋል፡ በቲ እትጥቀመሉ ዘለኻ ቛንቋ ዝወጸ ሕታማት በብዓይነት ከፋፊሉ፡ ማለት መጻሕፍቲ፡ ትራክትታት፡ ወይ ቪድዮታት ኣብ ዚብል ክፋላት ከፋፊሉ የርእየካ። ነቲ ዓይነታት ምስ እትጥውቖ፡ ተወሳኺ ኣማራጺታት ይህበካ፣ ንኣብነት፡ ንግምቢ ዘብዐኛ በብዓመት፡ ንቪድዮታት ከኣ በብምድብ ከፋፊሉ የርእየካ። ናብቲ ቐንዲ ዝርዝር ክትምለስ እንተ ደሊኻ፡ ነታ All Types እትብል ምልክት ጠውቃ።

ኣብቲ What’s New ዚብል ክፋል፡ በቲ እትጥቀመሉ ዘለኻ ቛንቋ ዝወጸ ሓደስቲ ጽሑፋት ክትረክብ ትኽእል ኢኻ።

ኣብቲ Downloaded ዚብል ክፋል ኵሉ እቲ ብእተፈላለየ ቛንቋ ዘራገፍካዮ ሕታማት ክትረኽቦ ኢኻ። ነዚ ድማ፡ Frequently Used፡ Rarely Used፡ ወይ Largest Size ብዚብል ክትሰርዖ ትኽእል ኢኻ።

ዘይትደልዮ ሕታማት እንተ ኣልዩ ወይ ከኣ መኸዘኒ ቦታ እንተ ጸቢቡካ፡ ነቲ ዘራገፍካዮ ሕታማት ክትድምስሶ ትኽእል ኢኻ።

ዝርዝር ሕታማት ክትርኢ እንተ ደሊኻ፡ ነቲ ተመዛዚ ሓበሬታ ኸፊትካ ነታ Publications እትብል ምልክት ጠውቃ፣ ደሓር ከኣ ዓይነት ሕታም (ንኣብነት፡ መጻሕፍቲ) ጠውቕ። ኣብቲ ኽትድምስሶ ዝደለኻ ሕታም፡ ነታ ተወሳኺ ኣማራጺታት እተርኢ ምልክት፡ ደሓር ከኣ ነታ Delete እትብል ምልክት ጠውቕ።

መኸዘኒ ቦታ እንተ ጸቢቡካ፡ ነቲ ሳሕቲ ጥራይ እትጥቀመሉ ወይ ነቲ ዝዓበየ መጠን ዘለዎ ሕታማት ክትድምስሶ ትኽእል ኢኻ። ነቲ ተመዛዚ ሓበሬታ ኸፊትካ ነታ Publications እትብል ምልክት ጠውቃ። ኣብቲ Downloaded ዚብል ክፋል ኬድካ፡ ነቲ ዝርዝር Rarely Used ወይ Largest Size ብዚብል ስርዓዮ። ነቲ ዘይትደልዮ ሕታም ድማ ደምስሶ።

እቲ ዘራገፍካዮ ሕታማት በብግዜኡ ኸተዘምኖ ወይ ኣፕዴት ክትገብሮ የድልየካ ይኸውን።

እቲ ዘራገፍካዮ ሕታማት ዝዘመነ እንተ ዀይኑ ኽትፈልጥ እንተ ደሊኻ፡ ነቲ ተመዛዚ ሓበሬታ ኸፊትካ Publications ዚብል ክፋል ጠውቕ። ዝዘመነ ሕታማት እንተ ኣልዩ፡ ኣብቲ Pending Updates ዚብል ክፋል ክትርእዮ ትኽእል ኢኻ። ነዚ ምስ እትጥውቖ ድማ ኵሉ እቲ ዘይዘመነ ሕታማት ክትረክብ ኢኻ። ንሓደ ሕታም ጠዊቕካ ኸተዘምኖ ወይ ከኣ ነቲ ንዅሉ ሕታማት ዘዘምን ምልክት ጠዊቕካ ንዅሉ ኸተዘምኖ ትኽእል ኢኻ።