የሆዋ ነታ ናይ መጀመርታ ሰበይቲ ዝዀነት ሄዋን ሰርሓ፣ ሰበይቱ ኽትኰኖ ኸኣ ንኣዳም ሃቦ።—ዘፍጥረት 2:21, 22።

የሆዋ ንኣዳምን ንሄዋንን፡ ፍጹም ወይ ኣበር ዘይብሉ ኣእምሮን ኣካልን ከም ዚህልዎም ገይሩ እዩ ፈጢርዎም።

እታ መንበሪቶም፡ ገነት ኤደን እያ ነይራ፣ ወሓይዝን ፍረታት ዚፈሪ ኣእዋምን እንስሳታትን ዝነበርዋ፡ ኣዝያ ጽብቕቲ ቦታ እያ ነይራ።

ኣምላኽ ተዛሪብዎምን ምሂርዎምን እዩ። ንዕኡ እንተ ዚሰምዕዎ ነይሮም፡ ኣብ ገነታዊት ምድሪ ንዘለኣለም ኪነብሩ ምኸኣሉ።

ሓደ ኻብቶም መላእኽቲ፡ ካብ ኣምላኽ ዓለወ። እቲ እኩይ መልኣኽ፡ ሰይጣን ድያብሎስ እዩ።

የሆዋ ንኣዳምን ንሄዋንን፡ ኣብ ገነት ካብ እትርከብ ሓንቲ ኦም እንተ በሊዖም፡ ከም ዚሞቱ ነገሮም።

ሰይጣን፡ ኣዳምን ሄዋንን ንየሆዋ ኺእዘዝዎ ኣይደለየን። ስለዚ፡ ብተመን ተጠቒሙ ንሄዋን፡ ካብ ፍረ እታ ኦም እንተ በሊዓ ኸም ዘይትመውት፡ ኣብ ክንዳኡስ፡ ከም ኣምላኽ ከም እትኸውን ነገራ። እዚ ግና ሓሶት እዩ ነይሩ።—ዘፍጥረት 3:1-5።