እቶም እተመልሱ ምሩኻት ነፍሲ ወከፎም ኣብታ ናብ ቀደማ እተመልሰት ምድሪ ተስፋ ርስቲ ኺረኽቡ ምዃኖም ተገሊጹ እዩ። ሎሚ እውን ብተመሳሳሊ፡ ኵሎም ኣገልገልቲ የሆዋ ኣብታ መንፈሳዊት ገነት ቦታ ኣለዎም። ኣብ ውድብ የሆዋ ዘሎና ግደ ኣዝዩ ንእሽቶ እኳ እንተ ዀነ፡ ኣብታ መንፈሳዊት ምድሪ ውሑስ ቦታን ኣገዳሲ ዕዮን ኣሎና። የሆዋ ንዅሎም ኣገልገልቱ ብማዕረ ኣኽቢሩ እዩ ዚርእዮም።

ኣብቲ ህዝቅኤል ዝረኣዮ ራእይ፡ ኵሉ እቲ ኣብታ ምድሪ ተስፋ እተዋህበ ብጽሒት ነቶም ነበርቲ ኻብቲ ጸጋ ብማዕረ ተኻፈልቲ ይገብሮም ነይሩ እዩ። ሎሚ እውን ብተመሳሳሊ፡ የሆዋ ንዅሎም ኣገልገልቱ ኻብታ መንፈሳዊት ገነት ብማዕረ በረኸት ኪረኽቡ ኣጋጣሚ ኸፊቱሎም ኣሎ።