ዕርክነት ኣብ ፍቕሪ እተመስረተ እዩ። ብዛዕባ የሆዋ ዝያዳ ምስ እትመሃር: ንዕኡ ዘሎካ ፍቕሪ ዝያዳ ይዓቢ። ንኣምላኽ ዘሎካ ፍቕሪ እናዓበየ ምስ ዝኸይድ ድማ ንኸተገልግሎ ዘሎካ ድሌት ይዓቢ። እዚ ኸኣ ወደ መዝሙር የሱስ ክርስቶስ ንኽትከውን ክድርኸካ እዩ። (ማቴዎስ 28:19) ምስቶም ሕጕሳት ናይ የሆዋ መሰኻኽር ብምሕባር ምስ ኣምላኽ ዘሎካ ዕርክነት ንዘለኣለም ክቕጽል ይኽእል። ብወገንካ ግን እንታይ ኢኻ ኽትገብር ዘሎካ፧

ንሕግታት ኣምላኽ ብምእዛዝ ንዕኡ ዘሎካ ፍቕሪ ኸተርኢ ኣሎካ። “ፍቕሪ ንኣምላኽ ከኣ ትእዛዛቱ ኽንሕሉ እዩ እሞ: ትእዛዛቱውን ኣይከቢድን እዩ።”—1 ዮሃንስ 5:3

ነቲ እተመሃርካዮ ኣብ ግብሪ ኣውዕሎ። የሱስ ነዚ ኸብርሃልና ዝኽእል ዛንታ ነጊሩ ኣሎ። ሓደ ለባም ሰብኣይ ቤቱ ኣብ ከውሒ ሰረተ። ሓደ ዓሻ ሰብኣይ ድማ ቤቱ ኣብ ሑጻ ሰረተ። ብርቱዕ ንፋስን ዝናምን ምስ መጸ: እታ ኣብ ከውሒ እተሰረተት ቤት ኣይወደቐትን: እታ ኣብ ሑጻ እተሰረተት ቤት ግና ዓብዪ ኣወዳድቓ ወደቐት። የሱስ እቶም ንትምህርትታቱ ሰሚዖም ኣብ ግብሪ ዘውዕልዎ ሰባት ነቲ ቤቱ ኣብ ከውሒ ዝሰረተ ለባም ሰብኣይ ከም ዝመስሉ ተዛረበ። እቶም ንትምህርትታቱ ሰሚዖም ኣብ ግብሪ ዘየውዕልዎ ሰባት ግና ነቲ  ቤቱ ኣብ ሑጻ ዝሰረተ ዓሻ ሰብኣይ እዮም ዝመስሉ። ንስኻኸ ነየናይ ሰብኣይ ኢኻ ኽትመስል እትደሊ፧—ማቴዎስ 7:24-27

ህይወትካ ምውፋይ። እዚ ናብ የሆዋ ብጸሎት ቀሪብካ ንዘለኣለም ፍቓዱ ኽትገብር ከም እትደሊ ምንጋሩ ማለት እዩ። ፍቓድ ኣምላኽ ምግባር: ወደ መዝሙር የሱስ ክርስቶስ ከም ዝዀንካ ዘርኢ እዩ።—ማቴዎስ 11:29

ጥምቀት። “ተንሲእካ ተጠመቕ: ስም ጐይታ ጸዊዕካ ኻብ ሓጢኣትካ ተሐጸብ።”—ግብሪ ሃዋርያት 22:16

ንኣምላኽ ኣብ ምግልጋል ምሉእ ብምሉእ ተኻፈል። “እትገብርዎ ዘበለ ንሰብ ዘይኰነስ ንጐይታ ኸም እትገብርዎ ጌርኩም: ካብ ልቢ ግበርዎ።”—ቈሎሴ 3:23