መሃልየ መሃልይ 7:1-13
7 “ኣቲ ኽብርቲ ጓል፡ኣእጋርኪ ኣብ ኣሳእንኪ ኽንደይ ይጽብቓ!
ቅርጺ ሰለፍኪ ኸም ስልማት፡ከም ዕዮ ኢደ ጥበበኛ እዩ።
2 ሕምብርትኺ ኸቢብ ጭሔሎ እዩ።
እተሓዋወሰ ወይኒ ኣይጕደሎ።
ከብድኺ ብዕምባባታት ሹሻን ከም እተኸብበኵምራ ስርናይ እዩ።
3 ክልቲአን ኣጥባትኪ ኸም ክልተ ማሕስእ፡ከምተን ናይ ሰስሓ ማንታ እየን።+
4 ክሳድኪ+ ኸም ግምቢ ስኒ ሓርማዝ እዩ።+
ኣዒንትኺ+ ኸምተን ኣብ ጥቓ ኣፍ ደገ ባት-ራቢም ዘለዋሓጽብታት ሔስቦን+ እየን።
ኣፍንጫኺ ኸምቲ ናብ ደማስቆ ገጹ ዜርኢግምቢ ሊባኖስ እዩ።
5 ርእስኺ ኣብ ልዕሌኺ ኸም ቀርሜሎስ እዩ፣+ዘው ዚብል ጸጕርኺ*+ ኸምቲ ጁዅ ዝሕብሩ ጸምሪ እዩ።+
ንጉስ በቲ ዛውያኺ ተማሪኹ።*
6 ፍቕርተየ፡ ካብ ኵሉ ኣዝዩ ደስ ዜብል ንላዕልስክንደይ ትጽብቒ፡ ክንደይከ ባህ ተብሊ!
7 ቍመትኪ ኸም ኦም ስየ፡ኣጥባትኪ ኸም ዘለላታት ተምሪ እዩ።+
8 ‘ኣብ ኦም ስየ ኽድይብ፡ነቲ ጨናፍር ምስ ፍሪኡ ኽሕዝ እየ’ በልኩ።
ኣጥባትኪ ኸም ዘለላ ወይኒ፡ትንፋስኪ ኸኣ ከም ቱፋሕ ምዑዝ ይኹን።
9 ኣፍኪ* ድማ ከም ብሉጽ ወይኒ ይኹን።”
“ከምቲ ኣብ ከናፍር እቶም ዝደቀሱ ቐስ ኢሉ ዚፈስስ፡ንፍቱወይ ሰተት ኢሉ ይውረደሉ።
10 ኣነ ናይ ፍቱወይ እየ፣+ትምኒቱ ኸኣ ናባይ እዩ።
11 ፍቱወየ፡ ንዓ፣ናብ መሮር ንውጻእ፣ኣብ መንጎ ኣታኽልቲ ሒና ንኹን።+
12 ተኽሊ ወይኒ እንተ ጠጢዑ፡*ጐጕማ እንተ ነቒዑ፡+ሮማን እውን እንተ ዓምቢቡ ኽንርኢ፡+ኣንጊህና ተንሲእና ናብ ኣታኽልቲ ወይኒ ንኺድ።+
ኣብኡ ፍትወተይ ክገልጸልካ እየ።
13 ፍረታት ማንድራጎራ+ መዓዛኡ ይህብ፣ኣብ ኣፍ ደገታትና ዅሉ ዓይነት ብሉጽ ፍረታት ኣሎ።+
ፍቱወየ፡ ሓድሽን ዝጸንሐንዓቚረልካ ኣለኹ።