መዝሙር 11:1-7
ንኣላዪ። ናይ ዳዊት።
11 ኣብ የሆዋ ተማዕቊበ ኣለኹ።+
ከመይ ጌርኩም ደኣ ኸምዚ እትብሉኒ፦*
“ከም ዑፍ ናብ ከረን ህደም!
2 እኩያት ከመይ ገይሮም ቀስቶም ከም ዚግትሩ ርአ፣ነቶም ቅኑዕ ዝልቦም ካብ ጸልማት ኪውርውሩሎምሲ፡ንፍላጻኦም ኣብ ኣውታር ቀስቶም ይገብርዎ።
3 መሰረታት* ምስ ፈረሰ፡ጻድቕ እንታይ ኪገብር ይኽእል፧”
4 የሆዋ ኣብ ቅድስቲ ቤተ መቕደሱ እዩ።+
ዝፋን የሆዋ ኣብ ሰማያት እዩ።+
ኣዒንቱ ይጥምታ፡ ትኵራት* ኣዒንቱ ንደቂ ሰብ ይምርምራኦም።+
5 የሆዋ ንጻድቕ ኰነ ንእኩይ ይምርምሮ፣+ዓመጻ ንዚፈቱ ዘበለ ኸኣ ይጸልኦ።*+
6 ኣብ ልዕሊ እኩይ፡ መጻወድያታት* የዝንም፣ግደ ጽዋኦም ሓውን ዲንን+ ዚምሽሉቝ ንፋስን ኪኸውን እዩ።
7 ከመይሲ፡ የሆዋ ጻድቕ እዩ፣+ ጽድቂ ድማ ይፈቱ እዩ።+
ቅኑዕ ከኣ ገጹ ኺርኢ* እዩ።+
እግረ ጽሑፍ
^ ወይ፡ “ንነፍሰይ ከምዚ እትብልዋ።”
^ ወይ፡ “መሰረታት ፍትሒ።”
^ ወይ፡ “ብሩሃት።”
^ ወይ፡ “ነፍሱ ትጸልኦ።”
^ ወይ፡ “ጓህሪ” ኪኸውን ይኽእል።
^ ወይ፡ “ሞገሱ ኺረክብ።”
