መዝሙር 112:1-10
112 ንያህ ወድስዎ!*+
א [ኣሌፍ]
ንየሆዋ ዚፈርሆ ሰብ ሕጉስ እዩ፣+ב [ቤት]
ንሱ ብትእዛዛቱ ኣዝዩ ባህ ይብሎ።+
ג [ጊሜል]
2 ዘርኡ ኣብ ምድሪ ሓያል ይኸውን፣ד [ዳሌጥ]
ወለዶ ቕኑዓት ከኣ ኪባረኽ እዩ።+
ה [ሄ]
3 ጥሪትን ሃብትን ኣብ ቤቱ እዩ፣ו [ዋው]
ጽድቁ ድማ ንዘለኣለም ይነብር።
ז [ዛይን]
4 ንቕኑዓት ከኣ፡ ኣብ ጸልማት ከም ብርሃን ይበርሃሎም።+
ח [ሔት]
ርሕሩሕን* መሓርን+ ጻድቕን እዩ።
ט [ጤት]
5 ብልግሲ* ዜለቅሕ ሰብ ጽቡቕ ይዀነሉ።+
י [ዮድ]
ነገሩ ብፍትሒ ይገብር።
כ [ካፍ]
6 ከቶ ኣይኪናወጽን እዩ።+
ל [ላሜድ]
ጻድቕ ንዘለኣለም ይዝከር።+
מ [ሜም]
7 ክፉእ ወረ ኣይፈርህን እዩ።+
נ [ኑን]
ልቡ ጽኑዕ፡ ብየሆዋ ድማ ዚእመን* እዩ።+
ס [ሳሜኽ]
8 ልቡ ዘይናወጽ* እዩ፣ ንሱ ኣይፈርህን እዩ።+
ע [ዓይን]
ኣብ መወዳእታ ንተጻረርቱ ብዓወት ኪርእዮም እዩ።+
פ [ፌ]
9 ብሰፊሑ ዓዲሉ፣ ንድኻታት ሂቡ።+
צ [ጻዴ]
ጽድቁ ንዘለኣለም ይነብር።+
ק [ቆፍ]
ብርታዐኡ* ብኽብሪ ልዕል ኪብል እዩ።
ר [ሬሽ]
10 እኩይ ነዚ ርእዩ ኺሓርቕ እዩ።
ש [ሺን]
ኣስናኑ ኺሕርቅም፡ ንሱ እውን ኪሓቅቕ እዩ።
ת [ታው]
ትምኒት እኩያት ኪጠፍእ እዩ።+
እግረ ጽሑፍ
^ ወይ፡ “ሃሌሉያ!” ወይ ከኣ፡ “ሃሌሉያህ!” ያህ ኣሕጽሮት ስም የሆዋ እዩ።
^ ወይ፡ “ጸጋውን።”
^ ወይ፡ “ብጸጋ።”
^ ወይ፡ “ዚውከል።”
^ ወይ፡ “ጽኑዕ።”
^ ቃ.ቃ.፡ “ቀርኑ።”
