መዝሙር 25:1-22
ናይ ዳዊት።
א [ኣሌፍ]
25 ኦ የሆዋ፡ ናባኻ እየ ዘብል።*
ב [ቤት]
2 ኦ ኣምላኸይ፡ ብኣኻ እእመን* እየ፣+ኣይተሕፍረኒ።+
ጸላእተይ ብኣይ ኣይተሓጐሱ።+
ג [ጊሜል]
3 ብኣኻ ተስፋ ዚገብሩስ ብርግጽ ኣይሓፍሩን እዮም፣+እቶም ብዘይ ምኽንያት ዚጠልሙ ግና ኪሓፍሩ እዮም።+
ד [ዳሌጥ]
4 ኦ የሆዋ፡ ጐደናታትካ ኣፍልጠኒ፣+መገድታትካ ምሃረኒ።+
ה [ሄ]
5 ንስኻ ኣምላኽ ድሕነተይ ኢኻ እሞ፡ብሓቅኻ ኣመላልሰንን ምሃረንን።+
ו [ዋው]
ምሉእ መዓልቲ ብኣኻ ተስፋ እገብር ኣለኹ።
ז [ዛይን]
6 ኦ የሆዋ፡ ነተን ወትሩ እተርእየን*+ምሕረትካን ብተኣማንነት እትገብራ ፍቕርኻን ዘክረን።+
ח [ሔት]
7 ሓጢኣት ንእስነተይን ኣበሳይን ኣይትዘክር።
ኦ የሆዋ፡ ስለ ሕያውነትካ* ኢልካ፡+በቲ ብተኣማንነት እተርእዮ ፍቕርኻ ዘክረኒ።+
ט [ጤት]
8 የሆዋ ሕያዋይን* ቅኑዕን እዩ።+
ስለዚ እዩ ንሓጥኣን ዚነብሩሉ መገዲ ዚምህሮም።+
י [ዮድ]
9 ንዓቃላት* ብቕኑዕ* ኪመርሖም፡+ንዓቃላት ከኣ መገዱ ኺምህሮም እዩ።+
כ [ካፍ]
10 ነቶም ኪዳኑን+ መዘኻኸሪታቱን+ ዚሕልዉስ፡ኵለን መገድታት የሆዋ ብተኣማንነት እትርአ ፍቕርን ተኣማንነትን እየን።
ל [ላሜድ]
11 ኦ የሆዋ፡ ስሕተተይ ዓብዪ እኳ እንተ ዀነ፡ስለ ስምካ ኢልካ ይቕረ በለለይ።+
מ [ሜም]
12 ንየሆዋ ዚፈርሆ ሰብ መን እዩ፧+
ንዕኡ እታ ዚሓርያ መገዲ ኺምህሮ እዩ።+
נ [ኑን]
13 ንሱ* ጽቡቕ ይረክብ፣+ዘርኡ እውን ንምድሪ ይርስተያ።+
ס [ሳሜኽ]
14 የሆዋ ምስቶም ዚፈርህዎ ናይ ቀረባ ዕርክነት ኣለዎ፣+ንሱ ድማ ኪዳኑ የፍልጦም።+
ע [ዓይን]
15 ንኣእጋረይ ካብ መርበብ ኬውጽአን እዩ እሞ፡+ኣዒንተይ ወትሩ ናብ የሆዋ እየን።+
פ [ፌ]
16 ኣነ በይነይን ረዳኢ ኣልቦን እየ እሞ፡ገጽካ ናባይ ምለስ፡ ሞገስካ ኸኣ ኣርእየኒ።
צ [ጻዴ]
17 ጭንቂ ልበይ በዚሑ ኣሎ፣+ካብ ጸበባይ ኣውጽኣኒ።
ר [ሬሽ]
18 ጸበባይን ሽግረይን ርአ፣+ኵሉ ሓጢኣተይ ከኣ ሕደገለይ።+
19 ጸላእተይ ክንደይ ከም ዝበዝሑ፡ጽልኦም ድማ ክሳዕ ክንደይ ዓማጺ ምዃኑ ርአ።
ש [ሺን]
20 ንህይወተይ* ሓልዋ፡ ኣድሕነኒ እውን።+
ኣባኻ እምዕቈብ ኣለኹ እሞ፡ ኣይተሕፍረኒ።
ת [ታው]
21 ተስፋይ ኣባኻ እዩ እሞ፡+ንጽህናን ቅንዕናን ይሓልዋኒ።+
22 ኦ ኣምላኽ፡ ንእስራኤል ካብ ኵሉ ጭንቁ ኣናግፎ።*
እግረ ጽሑፍ
^ ወይ፡ “ነፍሰይ ዘልዕል።”
^ ወይ፡ “እውከል።”
^ ወይ፡ “ካብ ጥንቲ ዝዀና።”
^ ወይ፡ “ሰናይካ።”
^ ወይ፡ “ሰናይን።”
^ ቃ.ቃ.፡ “ብፍርዲ።”
^ ወይ፡ “ንትሑታት።”
^ ወይ፡ “ነፍሱ።”
^ ወይ፡ “ንነፍሰይ።”
^ ቃ.ቃ.፡ “ተበጀዎ።”
