መዝሙር 6:1-10
ንኣላዪ፣ ብሸሚኒት* ብእተቓነየ በገና ዚስነ። ናይ ዳዊት መዝሙር።
6 ኦ የሆዋ፡ ብቝጥዓኻ ኣይትግንሓኒ፣ብነድርኻ ድማ ኣይትኣርመኒ።+
2 ኦ የሆዋ፡ እደክም ኣለኹ እሞ፡ ሞገስካ* ኣርእየኒ።
ኦ የሆዋ፡ ኣዕጽምተይ የንቀጥቅጥ ኣሎ እሞ፡ ኣሕውየኒ።+
3 እወ፡ ብዙሕ ተረቢሸ እየ፣*+ኦ የሆዋ፡ ክሓትተካ፡—እዝስ ክሳዕ መዓስ እዩ፧+
4 ኦ የሆዋ፡ ተመለስ እሞ፡ ኣናግፈኒ፣*+ምእንቲ እቲ ብተኣማንነት እተርእዮ ፍቕርኻ ኣድሕነኒ።+
5 ኣብ ሞትሲ ዜልዕለካ* የልቦን፣ኣብ መቓብርከ* መን እዩ ዚውድሰካ፧+
6 ብእህህታይ ደኺመ፣+ምሉእ ለይቲ ንዓራተይ ብንብዓት አጠስጥሶ* ኣለኹ፣ንመገምሰስየይ ብብኽያት ኣዕለቕሊቐዮ ኣለኹ።+
7 ዓይነይ ብጓሂ ደኺማ ኣላ፣+ብሰሪ ዅሎም እቶም ዚጻረሩኒ ሓሚቓ ኣላ።
8 የሆዋ ንድምጺ ብኽያተይ ኪሰምዖ እዩ እሞ፡+ኣቱም ገበርቲ እከይ፡ ካባይ ርሓቑ።
9 የሆዋ ንናይ ሞገስ ልማኖይ ኪሰምዖ እዩ፣+የሆዋ ንጸሎተይ ኪቕበሎ እዩ።
10 ኵሎም ጸላእተይ ኪሓፍሩን ኪድሃሉን እዮም፣ብሃንደበታዊ ውርደት ንድሕሪት ኪወድቁ እዮም።+
እግረ ጽሑፍ
^ ወይ፡ “ምሕረትካ።”
^ ወይ፡ “ነፍሰይ ብዙሕ ተረቢሻ እያ።”
^ ወይ፡ “ንነፍሰይ ኣናግፋ።”
^ ወይ፡ “ዚዝክረካ።”
^ ቃ.ቃ.፡ “ንዓራተይ አሐምብሶ።”
