ድጕዓ 3:1-66
א [ኣሌፍ]
3 ኣነ ብሻቦጥ ነድሩ ጸበባ ዝረኣኹ ሰብኣይ እየ።
2 ንሱ ሰጒጉኒ፡ ብብርሃን ዘይኰነስ፡ ብጸልማት ኣኺዱኒ።+
3 ብሓቂ፡ ምሉእ መዓልቲ ብተደጋጋሚ ኢዱ ኣንጻረይ የምጽኣ ኣሎ።+
ב [ቤት]
4 ንስጋይን ንቘርበተይን ኣብልይዎ፣ንኣዕጽምተይ ሰይርዎ።
5 ከቢቡኒ፣ ብመሪር መርዝን+ ሽግርን ከቢቡኒ።
6 ቀደም ከም ዝሞቱ ሰባት፡ ኣብ ጸልማት ክቕመጥ ገዲዱኒ።
ג [ጊሜል]
7 ከየምልጥሲ ብመንደቕ ዓጽዩኒ፣ብኸበድቲ መቓውሕ ነሓሲ ኣሲሩኒ።+
8 ኣምሪረ ምስ ኣእወኹ፡ ንጸሎተይ ነጺግዎ።*+
9 ንጐደናታተይ ብውቑር ኣእማን ዓጽይዎ፣ንመገድታተይ ጠዋውይዎ።+
ד [ዳሌጥ]
10 ከም ድቢ፡ ከም እተሓብአ ኣንበሳ የድብየለይ ኣሎ።+
11 ካብ መገድታተይ ኣውጺኡንን ሰላሊዑንን* ኣሎ፣ኣብሪሱኒ ኣሎ።+
12 ቀስቱ ገቲሩ፡* ዕላማ ፍላጻ ገይሩኒ ኣሎ።
ה [ሄ]
13 ብፍላጻታት* ጕልድባኡ ዀላሊተይ ወጊኡኒ።
14 ንዅሎም ህዝብታት መስሓቒ ዀይነ፡ ምሉእ መዓልቲ መድረፊኦም ኰይነ።
15 ብመሪር ኣጽጊቡኒ፡ ብዕረ ኣርውዩኒ።+
ו [ዋው]
16 ኣስናነይ ብጸጸር ሰይሩ፣ኣብ ሓምዅሽቲ ኸም ዚዅርመ ገይሩኒ።+
17 ሰላም ከሊእካኒ፣* ጽቡቕ ዘበለ ድማ ረሲዐዮ።
18 ስለዚ፡ “ግርማይን ኣብ የሆዋ ዘሎኒ ትጽቢተይን ጠፊኡ” እብል ኣለኹ።
ז [ዛይን]
19 ጸበባይን ቤት ኣልቦነተይን፡+ እቲ ዕረን መሪር መርዝን ዘክር።+
20 ብርግጽ ክትዝክሮን ናባይ ክትደንንን ኢኻ።*+
21 እዚ ኣብ ልበይ ትዝ ይብለኒ እዩ፣ ስለዚ እየ ዝጽበ።+
ח [ሔት]
22 ሳላ እቲ የሆዋ ብተኣማንነት ዜርእዮ ፍቕሪ ኢና ዘይተወዳእና፣+ምሕረቱስ ከቶ ኣይውዳእን እዩ።+
23 ንግሆ ንግሆ ሓድሽ እዩ፣+ ተኣማንነትካ ብዙሕ እዩ።+
24 “የሆዋ ግደይ እዩ፣+ ስለዚ እየ ንዕኡ ዝጽበዮ”+ እብል ኣለኹ።*
ט [ጤት]
25 የሆዋ ብእኡ ተስፋ ንዚገብር፡+ ንዚደልዮ ሰብ* ሰናይ* እዩ።+
26 ንድሕነት የሆዋ+ ስቕ ኢልካ* ምጽባይ ሰናይ እዩ።+
27 ሰብኣይ ብንእስነቱ ኣርዑት ኪጸውር ሰናይ እዩ።+
י [ዮድ]
28 ንሱ ኣሰኪምዎ እዩ እሞ፡ ስቕ ኢሉ በይኑ ይቀመጥ።+
29 ኣፉ ኣብ ሓመድ ይግበር፣+ ተስፋ ኺህሉ ይኽእል እዩ።+
30 ምዕጕርቱ ንወቓዒ ይሃብ፣ ጸርፊ እውን ይጽገብ።
כ [ካፍ]
31 የሆዋስ ንዘለኣለም ኣይድርብየናን እዩ።+
32 ዋላ እኳ እንተ ኣጕሃየ፡ ከም ብዝሒ እቲ ብተኣማንነት ዜርእዮ ፍቕሪ እውን ይምሕር እዩ።+
33 ንደቂ ሰብ ኪገፍዕ ወይ ኬጕህስ ኣብ ልቡ ኣይኰነን።+
ל [ላሜድ]
34 ንዅሎም እሱራት ምድሪ ኣብ ትሕቲ እግሪ ምጭፍላቕ፡+
35 ንሰብ ኣብ ቅድሚ እቲ ልዑል ፍትሒ ምኽላእ፡+
36 ንሰብ ኣብ ጕዳዩ ምዕማጽ፡—የሆዋ ንኸምዚ ዝበለ ነገራት ኣይጻወሮን እዩ።
מ [ሜም]
37 የሆዋ እንተ ዘይኣዚዙ፡ መን ተዛሪቡስ ኬኽውን ይኽእል፧
38 ክፉእን ጽቡቕንካብ ኣፍ እቲ ልዑል ብሓደ ኣይወጽእን እዩ።
39 ስለምንታይ ደኣ እዩ ህያው ሰብ ብዛዕባ ሳዕቤናት ሓጢኣቱ ዜማርር፧+
נ [ኑን]
40 መገድታትና ንዳህስስን ንመርምርን፣+ ናብ የሆዋ ድማ ንመለስ።+
41 ልብና ምስ ኣእዳውና ናብ ኣምላኽ ናብ ሰማያት ነልዕል።+
42 “ኣቢስናን ዓሊናን ኢና፣+ ንስኻ እውን ይቕረ ኣይበልካን።+
ס [ሳሜኽ]
43 ከይንቐርብ ብቝጥዓ ጋሪድካና፣+ስዒብካ ብዘይ ምሕረት ቀቲልካና።+
44 ጸሎትና ኸይሓልፍሲ፡ ብደበና ተጋሪድካ።+
45 ኣብ መንጎ ህዝብታት ጐዱፍን ጐሓፍን ጌርካና።”
פ [ፌ]
46 ኵሎም ጸላእትና ኣፎም ይኸፍቱልና ኣለዉ።+
47 ራዕድን ጕድጓድን፡+ ብርሰትን መስበርትን ዕጫና ዀይኑ።+
48 ብመስበርቲ ጓል ህዝበይ፡ ወሓይዝ ማይ ካብ ኣዒንተይ ይውሕዝ ኣሎ።+
ע [ዓይን]
49 ኣዒንተይ ከየቋረጻን ከየዕረፋን ይነብዓ ኣለዋ።+
50 የሆዋ ኻብ ሰማይ ኣንቈልቊሉ ኽሳዕ ዚጥምትን ዚርእን ይነብዓ ኣለዋ።+
51 ብሰንኪ ዅለን ኣዋልድ ከተማይ፡ ኣዒንተይ ጓሂ ኣምጺአናለይ* ኣለዋ።+
צ [ጻዴ]
52 ጸላእተይ ብዘይ ምኽንያት ከም ዑፍ ይሃድኑኒ ኣለዉ።
53 ንህይወተይ ኣብ ጕድጓድ ኣጥፊኦምዋ፣ ኣእማን ከኣ ይድርብዩለይ ኣለዉ።
54 ማያት ኣብ ልዕሊ ርእሰይ ውሒዙ፣ ኣነ ድማ “ጠፋእኩ!” ኢለ።
ק [ቆፍ]
55 ኦ የሆዋ፡ ካብ መዓሙቝ ጕድጓድ፡ ስምካ ጸዊዐ።+
56 ድምጸይ ስማዕ፣ ነቲ ራህዋ ደልየ ዘእውዮ ኣውያት እዝንኻ ኣይትዕጾ።
57 በታ ዝጸዋዕኩኻ መዓልቲ ቐሪብካ። “ኣይትፍራህ” ኢልካ።
ר [ሬሽ ]
58 ኦ የሆዋ፡ ንጕዳየይ* ተጣቢቕካለይ፡ ንህይወተይ ከኣ ተበጂኻያ ኢኻ።+
59 ኦ የሆዋ፡ እተበደልክዎ ርኢኻ ኢኻ፣ በጃኻ ፍትሒ ኣውጽኣለይ።+
60 ኵሉ ሕነኦምን ኵሉ እቲ ዝሓሰቡለይ ተንኰልን ርኢኻ ኢኻ።
ש [ሲን] ወይ [ሺን]
61 ኦ የሆዋ፡ ባጫኦምን ኵሉ እቲ ዝሓሰቡለይ ተንኰልን ሰሚዕካ ኢኻ።+
62 ከናፍር ተጻረርተይን እቲ ምሉእ መዓልቲ ዜሕሸዅሽዅለይን ሰሚዕካ ኢኻ።
63 ጠምቶም፣ ኪቕመጡ ዀነ ኺትንስኡ ኸለዉ፡ ብደርፎም የላግጹለይ ኣለዉ።
ת [ታው]
64 ኦ የሆዋ፡ ከም ግብርታቶም ክትፈድዮም ኢኻ።
65 ክትረግሞም ከለኻ፡ ተሪር ዝልቦም ክትገብሮም ኢኻ።
66 ብቝጥዓኻ ኽትሰጕጎም፡ ካብ ትሕቲ ሰማያት የሆዋ ድማ ከተጥፍኦም ኢኻ።
እግረ ጽሑፍ
^ ወይ፡ “ዓጊትዎ፣ ዓጽይዎ።”
^ ወይ፡ “ቃድራ ገይሩንን” ኪኸውን ይኽእል።
^ ቃ.ቃ.፡ “ረጊጹ።”
^ ቃ.ቃ.፡ “ብደቂ።”
^ ወይ፡ “ንነፍሰይ ሰላም ከሊእካያ።”
^ ወይ፡ “ነፍስኻ ብርግጽ ክትዝክሮን ናባይ ክትደንንን እያ።”
^ ወይ፡ “ትብል ኣላ ነፍሰይ።”
^ ወይ፡ “ንእትደልዮ ነፍሲ።”
^ ወይ፡ “ሕያዋይ።”
^ ወይ፡ “ብትዕግስቲ።”
^ ወይ፡ “ንነፍሰይ ጓሂ ኣምጺአናላ።”
^ ወይ፡ “ንጕዳይ ነፍሰይ።”
