ደቂ ሰብ ስነ ፍልጠታዊ ምዕባለታት ምግባሮም ከም ዚቕጽሉ ዜጠራጥር ኣይኰነን። ግናኸ፡ ንሓድሕዶም ዚተሓላለዩ ሰባት ዝሓቘፈ ሕብረተ ሰብ ባዕሎም ኬቝሙ ይኽእሉ ድዮም፧ ኣይፋሎምን። ሎሚ ዓለም ብስስዐ እያ እትምራሕ ዘላ። ይኹን እምበር፡ ኣምላኽ ንደቂ ሰብ ዚጠቅም ዕላማ ኣለዎ።—2 ጴጥሮስ 3:13 ኣንብብ።

ቃል ኣምላኽ፡ ኣብ ዚመጽእ እዋን ንሓድሕዶም ዚፋቐሩ ሰባት ዝሓቘፈ ዓለምለኻዊ ሕብረተ ሰብ ከም ዚህሉ ይገልጽ እዩ። ሽዑ ሰባት ብደሓን ኪነብሩ፡ ዚጐድኦም ከኣ ኣይኪህሉን እዩ።—ሚክያስ 4:3, 4 ኣንብብ።

ኣምላኽ ንሰብ ኪፈጥሮ ኸሎ፡ ሰብ ዝዀነ ይኹን ናይ ስስዐ ባህርይ ኣይነበሮን። እቲ ቐዳማይ ሰብ ግና፡ ብምርጫኡ ንኣምላኽ ብዘይምእዛዙ፡ ፍጽምናኡ ኣጥፍአ። ንዓና ኸኣ ናይ ስስዐ ባህርይ ኣውረሰና። ይኹን እምበር፡ ኣምላኽ ብየሱስ ኣቢሉ ንደቂ ሰብ ፍጹማት ኪገብሮም እዩ።—ሮሜ 7:18, 21, 24, 25 ኣንብብ።

የሱስ ምስ ፍቓድ ኣምላኽ ብምስምማዕ፡ መስዋእቲ ዀይኑ ሞተ፡ ነቲ ብሰሪ ዘይምእዛዝ እቲ ቐዳማይ ሰብ ንዝመጸ ሳዕቤናት ደምሲስዎ እዩ። (ሮሜ 5:19) የሱስ በዚ ኸምዚ ኣቢሉ፡ ካብቲ ጌጋ ንምግባር ዚድርኽ ናይ ስስዕ ባህርይ ናጻ ዝዀኑ ሰባት ዝሓቘፈ ሕብረተ ሰብ ኬመጽእ እዩ።—መዝሙር 37:9-11 ኣንብብ።