ኣብ መላእ ታሪኽ፡ ኣገልገልቲ ኣምላኽ ብኽእለቶም ዘይኰነስ፡ ብሓገዝ የሆዋ ዜደንቕ ዕዮ ዓሚሞም እዮም። ብ1954 ውድብ የሆዋ ዘ ኒው ዎርልድ ሶሳይቲ ኢን ኣክሽን ዘርእስታ ፊልም ኣዳልያ ነይራ። እዛ ፊልም እዚኣ ብቐንዱ ተመክሮ ብዘይ ነበሮም ቤት-ኤላውያን እያ ተሰሪሓ። እዚ ኸቢድ ፕሮጀክት እዚ፡ ብመንፈስ የሆዋ ጥራይ እዩ ተዓሚሙ። ኣብ የሆዋ እንተ ተወኪልና፡ ኣብ እተዋህበና ዝዀነ ይኹን ዕዮ፡ ዕዉታት ክንከውን ከም እንኽእል ድማ ምትእምማን የሕድረልና።—ዘካ 4:6።

ነታ “ዘ ኒው ዎርልድ ሶሳይቲ ኢን ኣክሽን” እተዳለወትሉ መገዲ ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• ብዛዕባ ዓለምለኻዊ ቐንዲ ቤት ጽሕፈት ፊልም ኪስራሕ እተወሰነ ስለምንታይ እዩ፧

• እታ ፊልም፡ ቤት-ኤል ልክዕ ከም ኣካላት ሰብነት ከም ዝዀነት እተርኢ ብኸመይ እያ፧—1ቈረ 12:14-20

• ኣሕዋት ነታ ፊልም ኪሰርሑ ኸለዉ እንታይ ዕንቅፋታት እዩ ኣጋጢምዎም፧ ብኸመይከ ሰጊሮምዎ፧

• እዚ ዕማም እዚ፡ ብዛዕባ ናይ የሆዋ መንፈስ ቅዱስ እንታይ ይምህረና፧