እሙንን ኣስተውዓልን ባርያ ምግቢ “ብግዜኡ” የቕርብ እዩ፣ እዚ ኸኣ፡ እቲ ነዚ ባርያ እዚ ዚመርሖ ዘሎ የሆዋ ብመንፈሳዊ መዳይ ዜድልየና ኸም ዚፈልጥ ይሕብር እዩ። (ማቴ 24:45) ኣኼባ ዞባን እቲ ኣብ መንጎ ሰሙን ዚግበር ኣኼባታትን ነዚ መረጋገጺ እዩ።

ነታ ጸብጻብ ኮሚተ ትምህርቲ 2017 ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ስለቲ ኣብ ኣኼባ ዞባ እንረኽቦ እዋናዊ ትምህርቲ መን እዩ ኺውደስ ዚግብኦ፧ ስለምንታይከ፧

• ዕዮ ኣኼባ ዞባ ዚጅመር መዓስ እዩ፧

• እቲ ንኣኼባ ዞባ ዚኸውን ፍረ ነገራት ዚምረጽ ብኸመይ እዩ፧

• ኣኼባ ዞባ ምድላው፡ እንታይ ዕዮ የጠቓልል፧

• ኣገባብ መጽናዕቲ ጊልዓድ ነቲ ኣብ መንጎ ሰሙን ንዚቐርብ ትምህርቲ ንምድላው ዚጥቀም ብኸመይ እዩ፧

• ደብተር ኣኼባ ንምድላው እተፈላለየ ኽፍልታት ሓቢሩ ዚዓዪ ብኸመይ እዩ፧

ብዛዕባ እቲ ኻብ የሆዋ ዚቐርብ መንፈሳዊ መሰናድዎ እንታይ ይስምዓካ፧