ምእንቲ ኺሕግዙና፡ የሆዋ “ኣብ ዓለም ዘለዉ ዅሎም” ኣሕዋትን ኣሓትን ሂቡና እዩ። (1ጴጥ 5:9) ኣብ ኣገልግሎት ንዜጋጥመና ብድሆታት ብዓወት ንኽንዋጽኣሉ ይሕግዙና እዮም። ንኣብነት፡ ሃዋርያ ጳውሎስ ካብ ኣኪላስን ጵርስኪላን ሲላስን ጢሞቴዎስን ካልኦትን ሓገዝ ረኺቡ እዩ።—ግብሪ ሃዋርያት 18:1-5።

መዓይይትና ኣብ ኣገልግሎት ኪሕግዙና ዚኽእሉ ብኸመይ እዮም፧ ንዜጋጥመና ተቓውሞታት ክንሰግሮ፡ ተመላሊስካ ምብጻሕ ክንገብር፡ መጽናዕቲ መጽሓፍ ቅዱስ ብኸመይ ከም እንረክብን ከም እንመርሕን ግብራዊ ሓሳባት ኪህቡና ይኽእሉ እዮም። ኣብ ጉባኤኻ ሓገዝ ኪህበካ ዚኽእል ሰብ እንተ ኣልዩ ሕሰብ፡ ሓገዝ ከኣ ሕተቶ። ከምዚ ብምግባርካ፡ ክልቴኹም ክትጥቀሙ ኸም እትኽእሉ ዜጠራጥር ኣይኰነን፣ ንሓጐስ ክልቴኹም ድማ ኣበርክቶ ኽትገብር ትኽእል ኢኻ።—ፊል 1:25።

ነታ ደቀ መዛሙርቲ ብምግባር ተሓጐስ—ሓገዝ የሆዋ ተቐበል—ኣሕዋትና ዘርእስታ ድራማዊት ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• ኒታ ንጀድ ኣብ ኣኼባታት ጉባኤ ኽትእከብ ዘተባብዓታ ብኸመይ እያ፧

• ካልኦት ኣስፋሕቲ ኣብ መጽናዕቲ መጽሓፍ ቅዱስ ኪሓብሩና ኽንዕድሞም ዘሎና ስለምንታይ ኢና፧

• ጀድን ኣቢግያን እንታይ ዘሰማምዐን ነገር እየን ረኺበን፧

• መዓይይትኻ እንታይ ንኣገልግሎት ዚኸውን ክእለታት ኪምህሩኻ ይኽእሉ፧