• መዝ 92:5—እዘን ቃላት እዚአን ንጥበብ የሆዋ ኣጸቢቐን ዚገልጻኦ ብኸመይ እየን፧ (cl 176 ¶18)

  መልስኻ

• ኣብዚ ሰሙን እዚ ኻብ ዘንበብካዮ ንባብ መጽሓፍ ቅዱስ፡ እንታይ መንፈሳዊ ሃብቲ ረኺብካ፧

  መልስኻ

ኣገልገልቲ የሆዋ ኻብ ጭንቀት ነጻ ኣይኰኑን። ንኣብነት፡ ዳዊት ኣብ እተፈላለየ እዋናት ጭንቀት ኣጋጢምዎ ነይሩ እዩ፣ ሎሚ ዘለዉ ኣሕዋትና እውን ጭንቀት የጋጥሞም እዩ። (መዝ 13:2፣ 139:23) እቲ ዜሕዝን፡ መንእሰያት እውን ከይተረፉ ንጭንቀት ይቃልዑ እዮም። ሓድሓደ ግዜ፡ ከም ቤት ትምህርቲ ምኻድ፡ ኣብ ኣኼባታት ጉባኤ ምእካብ ዝኣመሰለ ልሙድ ንጥፈታት ኬጨንቖም ይኽእል እዩ። ሕሉፍ ሓሊፉ፡ ጭንቀት ኪርዕዱ ወይ ርእሰ ቕትለት ናይ ምፍጻም ሓሳብ ከም ዚመጾም ኪገብር ይኽእል እዩ።

ኣቱም መንእሰያት፡ ጭንቀት እንተ ተሰሚዑኩም፡ ካብ ወለድኹም ወይ ካብ ብሱላት ክርስትያናት ምኽሪ ሕተቱ። ሓገዙ ምእንቲ ኽትረኽቡ ናብ የሆዋ እውን ጸልዩ። (ፊል 4:6) ንሱ ድማ ኪሕግዘኩም እዩ። (መዝ 94:17-19፣ ኢሳ 41:10) ኣብነት ስቴንግ እስከ ንርአ።

ነታ የሆዋ ሓልዩለይ ዘርእስታ ቪድዮ ወልዓያ። ድሕሪኡ፡ ንሰማዕቲ ነዚ ዚስዕብ ሕቶታት ሕተቶም፦

• ንስቲንግ ዝሓገዞ ጥቕሲ መጽሓፍ ቅዱስ ኣየናይ እዩ፧ ስለምንታይከ፧

• የሆዋ ዝሓለየሉ ብኸመይ እዩ፧

ኣቱም ወለዲ፡ ንደቅኹም ብዓቕሊ ጽን ኢልኩም ብምስማዕ፡ ፍቕርኹም ብምግላጽ፡ ኣብ ፍቕሪ የሆዋ ዘለዎም እምንቶ ኼደልድሉ ብምድጋፍ ንዜጋጥሞም ጭንቀት ኪጻወሩ ኽትሕግዝዎም ትኽእሉ ኢኹም። (ቲቶ 2:4፣ ያእ 1:19) ደቅኹም ንምሕጋዝ መጸናንዕን ብርታዐን ምእንቲ ኺህበኩም ኣብ የሆዋ ተኣመኑ።

ኣብ ጉባኤና ገሊኦም ምስ ከቢድ ጭንቀት ይቃለሱ ኸም ዘለው ኣይንፈልጥን ንኸውን፡ ወይ ድማ ዚስምዖ ስምዒት ኣይርድኣናን ይኸውን። እንተዀነ ግና፡ ኵሎም ኣብ ጉባኤና ዘለው ኣሕዋትን ኣሓትን ተፈቀርትን ተደለይትን ከም ዚዀኑ ኺስምዖም ብምግባር ክንሕግዞም ንኽእል ኢና።—ምሳ 12:25፣ እብ 10:24።