• መዝ 35:19—ዳዊት፡ ብዛዕባ እቶም ዚጸልእዎ ‘ኣዒንቶም ኣይጽቀጡለይ’ ኢሉ ምሕታቱ እንታይ ማለት እዩ፧ (w06 15/5 20 ¶3)

  መልስኻ

• ኣብዚ ሰሙን እዚ ኻብ ዘንበብካዮ ንባብ መጽሓፍ ቅዱስ እንታይ መንፈሳዊ ሃብቲ ረኺብካ፧

  መልስኻ

ኣብ ኣኼባ ጉባኤ ንየሆዋ እንውድሰሉ ብሉጽ ኣጋጣሚ ንረክብ ኢና። ሰለስተ መገዲ እንሀ።

ዝርርብ፦ ምስ ካልኦት ከተዕልል ከለኻ፡ ብዛዕባ ሕያውነት የሆዋ ተዛረብ። (መዝ 145:1, 7) ዝሰማዕካዮ ወይ ዘንበብካዮ ዝጠቐመካ ሓሳብ ኣሎዶ፧ ኣብ ወፍሪ ኣገልግሎት ዝረኸብካዮ ጽቡቕ ተመክሮ ኣሎካዶ፧ ብቓላቶም ወይ ብተግባራቶም ዜተባብዑኻ ኣለዉዶ፧ ብዛዕባ ፍጥረት ዝመሰጠካ ነገር ኣሎዶ፧ እዚ ዅሉ ውህበት የሆዋ እዩ። (ያእ 1:17) ምስ ካልኦት ምእንቲ ኸተዕልል ናብ ኣኼባታት ቍሩብ ደቓይቕ ኣቐዲምካ ብጻሕ።

ሓሳባት፦ ኣብ ነፍሲ ወከፍ ኣኼባ፡ እንተ ወሓደ ሓንቲ ሓሳብ ክትህብ ፈትን። (መዝ 26:12) ቀጥታዊ መልሲ ኽትምልስ፡ ወይ ተወሳኺ ነጥቢ ኽትህብ፡ ወይ ካብ ጥቕሲ ዚርከብ ትምህርቲ፡ ካብ ስእሊ ዚርከብ ትምህርቲ፡ ኣወዓዕላ እቲ ትምህርቲ ኽትገልጽ ትኽእል ኢኻ። ካልኦት እውን ብተደጋጋሚ ኢዶም ሓፍ ኬብሉ ስለ ዚኽእሉ፡ ብርክት ዘበለ ሓሳባት ተዳሊኻ ኺድ። ሓሳባትካ 30 ኻልኢት ወይ ትሕቲኡ እንተ ዀይኑ፡ ብዙሓት “ንኣምላኽ . . . መስዋእቲ ውዳሰ” ኬቕርቡ ዕድል ኪረኽቡ ይኽእሉ እዮም።—እብ 13:15።

መዝሙራት፦ መዝሙራት መንግስቲ ኣምላኽ ብውዕዉዕ ስምዒት ዘምር። (መዝ 147:1) ኣብ ነፍሲ ወከፍ ኣኼባታት ሓሳብ ክትህብ ዕድል ኣይትረክብን ትኸውን፡ ብፍላይ ድማ ኣብ ዓበይቲ ጉባኤታት፣ ይኹን እምበር፡ ወትሩ መዝሙር ብምዝማር ንየሆዋ ኽትውድሶ ትኽእል ኢኻ። ዋላ እኳ፡ ንፉዕ ዘማሪ ኸም ዘይኰንካ እንተ ተሰምዓካ፡ ብሉጽካ ብምግባርካ፡ የሆዋ ኣዝዩ ኸም ዚሕጐስ ርግጸኛ ኹን። (2ቈረ 8:12) ኣብ ገዛኻ ነተን መዝሙራት ብምልምማድ ክትዳሎ ትኽእል ኢኻ።

ነታ ግስጋሰ ታሪኽና—ውህበት መዝሙር፡ 1ይ ክፋል ዘርእስታ ቪድዮ ወልዓያ። ድሕሪኡ፡ ንሰማዕቲ ነዛ እትስዕብ ሕቶ ሕተቶም፦

ኣብ መጀመርታታት ዘመናዊ ታሪኽ ውድብና፡ ንየሆዋ ውዳሰ መዝሙር ምዝማር ኣገዳሲ ምዃኑ ዘርኣና ብኸመይ ኢና፧