‘ሓደ ኻብቲ ንመርኣዪ ዚኸውን ኣቀራርባታት ክጥቀም እደሊ ድየ፧’ ኢልካ ንርእስኻ ሕተት

እወ

• ንመእተዊ እትጥቀመሉ ቓላት ተዳሎ። ኣብቲ ኸባቢ ልሙድ ብዝዀነ መገዲ ሰላምታ ምስ ኣቕረብካ፡ ስለምንታይ ከም ዝመጻእካ ብንጹር ግለጽ። (ንኣብነት ከምዚ በል፦ “ናብዚ ዝመጻእኩሉ ምኽንያት . . . ”)

• ካብ ሕቶ ናብ ጥቕስን ናብ መፋለጥን ብኸመይ ከም እትሰጋገር ሕሰብ። (ንኣብነት፡ ጥቕሲ ንምፍላጥ ከምዚ ኽትብል ትኽእል ኢኻ፦ “ነዛ ሕቶ እዚኣ ዚኸውን ዜዕግብ መልሲ ኣብዚ ኺርከብ ይከኣል እዩ።”)

ኣይፋልን

• ካብታ መጽሔት፡ ዝፈተኻያን ኣብ ክልኻ ሰፊሕ ተቐባልነት ኪህልዋ ዚኽእልን ኣርእስቲ ሕረ

• ነቲ ብዓል ቤት ከይተዋጠረ ኺሓስብን ምላሽ ኪህብን ዚድርኾ ሕቶ ኣዳሉ። (ንኣብነት፡ ነቲ ኣብ ገጽ 2 ናይ መጽሔታት ዘሎ ሕቶታት ርአ።)

• እተንብባ ጥቕሲ ሕረ። (ንቕሑ! ተበርክት እንተ ዄንካ፡ እዛ መጽሔት እዚኣ ነቶም ብዛዕባ መጽሓፍ ቅዱስ ብዙሕ ኣፍልጦ ዘይብሎም ወይ ሃይማኖት ዚብሃል ዘይኣምኑ ተባሂላ ስለ እትዳሎ፡ ጥቕሲ ኸተንብብ ኣየድልየካን ይኸውን።)

• እቲ ብዓል ቤት ነቲ ዓንቀጽ ብምንባብ ብኸመይ ከም ዚጥቀም ዚገልጽ ሓደ ወይ ክልተ ምሉእ ሓሳብ ኣዳሉ

ኣብ ክልቲኡ ኣጋጣሚ

• ተመላሊስካ ምብጻሕ ክትገብረሉ ኸለኻ እትምልሳ ሕቶ ኣዳሉ

• ነቲ ኣብ ቀጻሊ ምብጻሕ እትብሎ ምእንቲ ኽትዝክሮ፡ ጽሓፎ