ኣገዳሲ ዝዀነ ስለምንታይ እዩ፧ የሆዋ ኣብ ልቢ “እቶም ናብ ናይ ዘለኣለም ህይወት ዘንቀዱ” ሰባት፡ ዘርኢ ሓቂ ኸም ዚበቍል ይገብር እዩ። (ግብ 13:48፣ 1ቈረ 3:7) ንሕና እውን ኣብ ኣገልግሎት፡ ኣትኵሮና ነቲ እተማህርዎ ነገራት ምላሽ ኣብ ዚህቡ ሰባት ብምግባር፡ ምስኡ ሓቢርና ንዓዪ ኢና። (1ቈረ 9:26) ተምሃሮ መጽሓፍ ቅዱስ፡ ድሕነት ንምርካብ ክርስትያናዊ ጥምቀት ኣድላዪ ኸም ዝዀነ ኺግንዘቡ ኣለዎም። (1ጴጥ 3:21) ኣብ ህይወቶም ለውጢ ኺገብሩን ኪሰብኩን ኪምህሩን ህይወቶም ንየሆዋ ኺውፍዩን ብምምሃር ደቀ መዛሙርቲ ኪዀኑ ንሕግዞም ኢና።—ማቴ 28:19, 20።

እንታይ ክትገብር ኣሎካ፧

• ንተምሃሮ መጽሓፍ ቅዱስ፡ መጽሓፍ ቅዱስ ዜጽንዕሉ ዕላማ ንየሆዋ ‘ኺፈልጡን’ ንዕኡ ባህ ኬብሉን ምሕጋዝ ከም ዝዀነ ኣዘኻኽሮም።—ዮሃ 17:3

• ከም ሕማቕ ልማድን ዜተሓታትት ምሕዝነትን ዝኣመሰለ ዕንቅፋታት ኣወጊዶም መንፈሳዊ ዕቤት ኪገብሩ ሓግዞም

• ቅድሚ ምጥማቖምን ድሕሪ ምጥማቖምን ኣበረታትዓዮምን ኣተባብዓዮምን።—ግብ 14:22

ነታ የሆዋ ኺሕግዘካ እዩ ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ሓደ ሰብ ርእሱ ኸይውፍን ከይጥመቕን እንታይ ኬፍርሆ ይኽእል፧

• ሽማግለታት፡ ተምሃሮ መጽሓፍ ቅዱስ መንፈሳዊ ዕቤት ምእንቲ ኺገብሩ ብኸመይ ኪሕግዝዎም ይኽእሉ፧

• ኢሳይያስ 41:10 ብዛዕባ የሆዋ እንታይ ትምህረና፧

• ዘይፍጹማት እኳ እንተ ዀንና፡ ንየሆዋ ብቕቡል መገዲ ኸነገልግሎ ዜኽእለና እንታይ ባህርያት እዩ፧