ኣገዳሲ ዝዀነ ስለምንታይ እዩ፧ እቶም ቅቡኣትን እቶም ካልኦት ኣባጊዕን፡ ንዅሎም ዓይነት ሰባት ‘ማይ ህይወት ብናጻ ኺወስዱ’ ይዕድሙ ኣለዉ። (ራይ 22:17) እዚ ምሳልያዊ ማይ እዚ፡ ነቲ የሆዋ ንእዙዛት ሰባት ካብ ሓጢኣትን ሞትን ሓራ ንምውጻእ ዝገበሮ ዅሉ መሰናድዎታት የመልክት። እተፈላለየ ልምድን ሃይማኖታዊ እምነታትን ንዘለዎም ሰባት ንምሕጋዝ፡ ነቲ “ናይ ዘለኣለም ብስራት” ንዓታቶም ብብሕቲ ብዚስሕቦም መገዲ ኸነቕርቦ ኣሎና።—ራእ 14:6።

እንታይ ክትገብር ኣሎካ፧

• ንልቢ እቶም ኣብ ክልኻ ዘለዉ ሰባት ዚትንኪ ርእሰ ጕዳይን ጥቕስን ምረጽ። ካብቲ ንመርኣዪ ዚኸውን ዝርርባት ወይ ድማ ውጽኢታዊ ዀይኑ ዝረኸብካዮ ኻልእ ርእሰ ጕዳይ ክትመርጽ ትኽእል ኢኻ። ከመይ ዝበለ ርእሰ ጕዳይን ጥቕስን እዩ ጽቡቕ ተቐባልነት ዚረክብ፧ ንብዙሓት ሰባት ዜተሓሳስቦም እዋናዊ ዜና ኣሎዶ፧ ንሓደ ሰብኣይ ወይ ንሓንቲ ሰበይቲ ዚስሕባ እንታይ እዩ፧

• ኣብቲ ዝርርብካ ኣብ ከባቢኻ ልሙድ ዝዀነ ሰላምታን ኣዘራርባን እውን ተጠቐም።—2ቈረ 6:3, 4

• ንሓደ ተገዳስነት ዘርኣየ ሰብ ምእንቲ ኸተካፍሎ ምስቲ ኣብ ናውቲ ትምህርቲ ዘሎ ሕታማትን ቪድዮታትን ጽቡቕ ጌርካ ተላለ

• ብቛንቋ እቶም ኣብ ክልኻ እትረኽቦም ሰባት ዚርከብ ሕታማትን ቪድዮታትን ኣራግፍ

• ነቲ ርእሰ ጕዳይካ ምስ ድሌት እቲ ብዓል ቤት ከም ዚሰማማዕ ግበሮ። (1ቈረ 9:19-23) ንኣብነት፡ እቲ ብዓል ቤት ኣብ ቀረባ እዋን ሰቡ ኸም ዝሞተ እንተ ፈሊጥካ፡ እንታይ ክትብል ትኽእል፧

ነታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• እቲ ኣስፋሒ ምስቲ ብዓል ቤት ብዛዕባ እንታይ እዩ ኺመያየጥ ጀሚሩ፧

• እቲ ብዓል ቤት ኣብ ህይወቱ እንታይ እዩ ዘጋጥሞ ዘሎ፧

• ኣብዚ ኣጋጣሚ እዚ ኣየናይ ጥቕሲ እዩ ዝሓሸ፧ ስለምንታይከ፧

• ነቶም ኣብ ክልኻ ዘለዉ ሰባት ብዚስሕብ መገዲ ኣቀራርባኻ ብኸመይ ከተተዓራርዮ ትኽእል፧