‘የሆዋ ብህዝቡ ባህ ይብሎ እዩ።’ (መዝ 149:4) ዘይፍጹማት እኳ እንተ ዀንና፡ ነቲ ጽቡቕ ባህርያትናን ኣብ መጻኢ እንታይ ዓይነት ሰባት ክንከውን ከም እንኽእልን ይርኢ እዩ። ሓድሓደ ግዜ ግና ብዛዕባ ገዛእ ርእስና ሚዛናዊ ኣረኣእያ ምሓዝ ይኸብደና ይኸውን። ብምኽንያት እቲ ኻልኦት ንዓና ዚሕዝሉ መገዲ ዘይንረብሕ ኰይኑ ኺስምዓና ይኽእል እዩ። ወይ ድማ ኣብ ሕሉፍ ጌጋታትና ነተኵር እንተ ዄንና፡ የሆዋ ብሓቂ ዜፍቅረና እንተ ዀይኑ ንጠራጠር ንኸውን። ከምዚ ዓይነት ስምዒት ኬጋጥመና ኸሎ እንታይ ኪሕግዘና ይኽእል፧

የሆዋ፡ ሰባት ኪርእይዎ ዘይክእሉ ነገራት ኪርኢ ኸም ዚኽእል ኣይትረስዕ። (1ሳሙ 16:7) ከምዚ ኺብሃል ከሎ፡ የሆዋ ኻብቲ ንሕና ንርእስና እንርእያ ንላዕሊ እዩ ዚርእያ። እቲ ዜሕጕስ ግና፡ መጽሓፍ ቅዱስ፡ የሆዋ ብኸመይ ከም ዚርእየና ኽንርዳእ ይሕግዘና እዩ። የሆዋ ንኣምለኽቱ ኽሳዕ ክንደይ ከም ዜፍቅሮም ዚገልጽ ጥቕስታትን ጸብጻባትን መጽሓፍ ቅዱስ ከነንብብ ከለና፡ ነዚ ኽንርድኦ ንኽእል ኢና።

ነታ የሆዋ ኸም ዜፍቅረካ ንልብካ ኣእምኖ ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• ምሳሌ እቲ ጐያዪን ኣቦኡን፡ የሆዋ ንዓና ብዛዕባ ዚርእየሉ መገዲ እንታይ ይምህረና፧

  መልስኻ

• ሓደ ኸቢድ ሓጢኣት ዝፈጸመ ሰብ፡ ነቲ ምስ የሆዋ ዝነበሮ ርክብ ንምዕራይ ኣዳላዪ ስጉምትታት እንተ ወሲዱ፡ የሆዋ ኸም ዜፍቅሮ ንልቡ ኼእምኖ ዚኽእል ብኸመይ እዩ፧—1ዮሃ 3:19, 20

  መልስኻ

• እቲ ሓው፡ ዛንታ ዳዊትን ዮሳፋጥን ምንባቡን ምስትንታኑን ዝሓገዞ ብኸመይ እዩ፧

  መልስኻ