U lun icighan yô, ka u lun paleghaa a hôngor. Ishember i ken zwa Heberu i i gem ér “icighan” la due ken ishember i inja i i yô, i lu u lun “kposo” la. Sha nahan yô, ka i ver icighankwagh kposo a akaa agen a i eren tom a mi hanma shighe la, sha ci u a lu wang shi a lu a acôghor ga yô.

Aôndo ngu wang sha hanma gbenda cii. Bibilo kaa ér: ‘Mô u lun wang er Yehova * nahan nan ngu ga.’ (1 Samuel 2:2) Sha nahan yô, ka Aôndo jighilii je a kom u pasen se akaa a a lu icighan la ye.

Afatyô u yilan hanma kwagh u a gbe a zough a Aôndo, hemban je yô akaa a i pav a i ver kposo sha ci u mcivir u Aôndo tseegh la ér, “icighan.” Ikyav i tesen yô, Bibilo ôr kwagh u:

• Uicighanmbaajiiriv: Aôndo yange kaa a Mose ikyua a ageva u yeghen usu la ér: “ijiir i u til her ne, ka icighanjiir je.”—Ekesodu 3:2-5.

• Uicighanmbamkohol: Mbaiserael mba tsuaa mbara yange ve eren uiniongo mba civir Yehova hanma shighe cii. I yilan uiniongo mban ér, “Uicighanmbamkohol.”—Levitiku 23:37.

• Uicighanmbaakaav: Akaa a yange i eren tom a mi ken mcivir u Aôndo ken tempel u tsuaa u ken Yerusalem la i yilan a ér “uicighanmbaakaav.” (1 Utor 8:4) Er lu u mayange a civir uicighanmbaakaav mban ga nahan kpa, lu u a eren kwagh a akaa ne sha icivir tsung. *

Een. Aôndo kaa a Mbakristu ér: “Lu nen uicighanmbaiorov, gadia Mo M ngu u Icighan je.” (1 Peteru 1:16) Mimi yô, mayange uumace mba ve yen ne vea fatyô u lun icighan, er Aôndo nahan ga. Nahan kpa, uumace mba ve kuran atindi a Aôndo a perapera la yô, a fatyô u nengen ér mba “icighannagh ku doon Aôndo.” (Mbaromanu 12:1) Or u nan lu nôngon ér nana lu icighan yô, ka nan tese kwagh ne sha kwaghôron man sha ieren i nan. Ikyav i tesen yô, or shon ka nan dondo kwaghwan u Bibilo u a kaa ér, “ka mtsegh wen; nyagh nen idya” man u a kaa ér, “lu nen uicighanmbaiorov ken mlu wen cii” la.—1 Mbatesalonika 4:3; 1 Peteru 1:15.

Een. Aluer or de u eren akaa a atindi a Aôndo a wang la a tese la yô, Aôndo una nenge ér nan kera ngu icighan ga. Ikyav i tesen yô, i nger takerada u Bibilo u Mbaheberu la hen u “uicighananmgbianev,” kpa shi i ta ve icin ker ér, “boshima u nan jighjigh ga a̱ de luun ken hanmô wen sha u né undu Aôndo u uma ga” yô.—Mbaheberu 3:1, 12.

Mtsum: Aluer or ngu kwav shi nan yaven a or ga yô, nana hemba lun icighan.

Mimi: Orkristu nana fatyô u tsuan u lun kwav, kpa kwagh u lun kwav shi yaven or ga la tseegh yô, una na or a lu icighan hen Aôndo ga. Ka mimi, mba ve lu kwav la, vea fatyô u veren ishima ve cii sha u civir Aôndo a kwagh u danen ve shio. (1 Mbakorinte 7:32-34) Nahan kpa, Bibilo tese ér, mba ve vôso kasev shin noov la kpa, vea fatyô u lun icighan. Jighilii yô, Peteru u lu môm ken mbaapostoli mba Yesu la kpa, yange vôso kwase.—Mateu 8:14; 1 Mbakorinte 9:5.