Yesu lu di or u dedoo tseegh tsô ga. A̱ gande kpa se fatyô u kaan ser, a hemba eren akaa a benden a uumace a hanma or ugen sha tar cii. Nenge ase kwagh u mbatimen sha akaa a mbayiase ve nger sha kwagh na ne:

 Or u timen sha akaa a mbayiase u ken tar u Ingila, u i yer ér H.G. Wells la kaa ér: “Yesu or u Nasareti . . . ka ikyumen or u yiase i hembe teren un cii yô.”

 Or u timen sha akaa a mbayiase u ken tar u Amerika, u i yer ér Kenneth Scott Latourette la kaa ér: “Ka akaa a [Yesu] yange er la a hembe benden a ior sha tar cii ye, shi nga benden a ior seer a seer.”

 Bibilo pase er i hii ve Yesu a hembe eren akaa a benden a ior a hanma orumace ugen cii yô. Zum u Yesu pine mbadondon un mbagenev mba ve lu a na kôôsôô la or u ve hen ér un ngu yô, ugen la kaa a na ér: “We U ngu Kristu Wan u Aôndo u uma.”—Mateu 16:16.