Nongo u Mbashiada mba Yehova ngu tesen icivir sha ian i hanma or nan lu a mi i yeren kwagh u nan la. Wea soo u fan Gbenda u Kuran Mkaanem ma Or, u nongo ne u eren tom a mi tar sha won cii la yô, kighir heen.

Ngeren u a pase Gbenda u Kuran Mkaanem ma Or la ôr kwagh u nongo u Mbashiada mba Yehova ka u er a mkaanem ma ior yô. U seer yô, i ter akaa agen a nongo ne u dondon, a a gbe a zough sha kwagh u ijiir yase i sha Intanet la shin heen.

Ka mzough u i yer ér Watchtower Bible and Tract Society of New York, Inc., (shin “Watchtower”) la, a lu a ijiir ne ye. Mzough ne ngu ken New York; ka mzough u keren mtsera na ga, u a suen ityom i Mbashiada mba Yehova cii, kua tom ve u tesen ior Bibilo sha tar cii la yô. Ukômputa mbagenev mba ve lu ityôugh ki ijiir yase i sha Intanet ne mba ken tar u Amerika.

Aluer u tindi a mkaanem ma pasen kwagh wou hen ijiir i sha Intanet ne yô, ka kwagh u i vande ôron we ér mba eren a ma, shighe u u lu tindin a mi la shi ka i er a ma nahan vough ye.

Se mba ne orgen môm mkaanem ma pasen kwagh wou ga, saa di gba kpee u a er nahan sha er a er kwagh u u kaa wer i̱ er sha ci wou la tseegh, shin saa i vande pasen we kwagh sha mi wang. Gayô saa di í na jighjigh ér gba hange hange u a pase orgen ma sha u dondon ma tindi shin sha u tôvon sha ma anyighe gayô yangen anyighe shin kuran ijiir i sha Intanet ne shin sôron ma zayol tseegh tsô. Er u lu eren akaa hen ijiir ne yô, tese ér u lumun wer se na mbagenev mkaanem ou sha ci u atôakyaa ne tseegh. Mayange je a tee orgen mkaanem ma pasen kwagh wou ga, shin a tôô ma a er kpenga a mi kpaa ga.

Mbakasuav. Ashighe agen ijiir ne ka i lu a mbaadereshi mba ajiir a sha Intanet a mbakasuav mbagenev mba se ver ser ve eren akaa agen sha ci wase yô, er u fiir foom sha Intanet nahan. Kwagh u una wase u fan wer u ngu hen ijiir i mbakasuav mban yô, adereshi ve ka a due shi ijiir i ngeren adereshi la i gema. Ka sea tsua mbakasuav mba se eren kwagh a ve yô, se zaan sha ajiir a ve a sha Intanet la sha ashighe ashighe, se za nengen igbenda i ve kuran mkaanem ma ior la, sha u se fa aluer gbenda u ve eren kwagh ne la ngu kwaghmôm a u wase yô. Wea soo u fan akaa agen sha kwagh u gbenda u mbakasuav mban ve yeren akaa a ior la yô, za ôr ngeren mba sha kwagh u yeren akaa a ior, mba hen ajiir a ve a sha Intanet la.

Se mba eren asenge a mkaanem ma or hen ijiir ne ga. Ka se kura mkaanem ou sha u dondon igbenda i tindin a kwagh myer, er u i yer ér Transport Layer Security (TLS) la nahan. Ka se er tom a ukômputa mba i lu ior kpuaa tseegh i ne ve ian bughun ve yô. I ver ukômputa mban hen ajiir a i kuran ve yô, shi mba kor ve sha Intanet man sha atindi a i we yô, sha er orgen môm nana fa kwaghmyer u u lu tindin se a mi la ga yô.

Adereshi wou u e-mail u ú nger shighe u ú lu bughun account hen ijiir yase i sha Intanet ne, ka un se lu tindin we a ilyoho ker sha kwagh u account wou ye. U tesen ikyav yô, aluer u hungur iti shin ibughun i account wou, man u soo wer se wase u u̱ bughun un yô, se tindi u a loho ken adereshi u e-mail u yange u nger shighe u ú lu tindin se a mkaanem ma pasen kwagh wou la.

Ka wea eren iyua sha Intanet sha inyar yô, u na se iti you man adereshi wou. Ka a gba u se ngohol iyua i or nan er sha kaade u i yer credit card la yô, se dondo igbenda i kimbin kwagh sha Intanet kua igbenda i hemban cii, i yeren man i kuran akaamyer a ior la. Se mba koson mkaanem ma u nger sha kwagh u credit card wou shin namba u account u banke wou shin ma account ugen u u tindi mba ve lu za musan inyaregh kira tindin se a mi la ga, shi se mba a ian i nengen a mi kpaa ga. Ka i lu u mba u tindi ve a iyua la vea koso mkaanem ma sha kwagh u inyaregh ki u tindi a mi la her a yina anyom pue ga. Mkaanem man wa werayange u u tindi a iyua shon la ker, kua iyenge inyar man gbenda u u tindi a mi la. Kwagh ne ka a wase se u eren kwagh sha atindi a banke shi nan mlumun sha mbampin mba alaghga u pine se sha kwagh u inyaregh kira hen shighe shon la cii. Ka u se tindi u a loho sha adereshi ne ser seer eren iyua ga.

U fatyô u tindin a mkaanem magenev sha kwagh wou (er iti you man adereshi wou man namba u telefon wou nahan) sha u eren akaa agen a mi a a gbe a zough sha kwagh u iyua i eren shin account u bughun ga yô (er u pinen wer i va hen Bibilo a we gbilin nahan). Ka sea zua a mkaanem man yô, se ver ma sha u eren kwagh u u tindi wer i er a ma la tseegh, shi se mba koson ma her gbem ga.

Ka se er tom a ukômputa mbagenev sha u ngohol mkaanem ma or nan tindi a mi hen ijiir yase i sha Intanet la ave ave. Ka se er tom a “cookies” man “web beacons,” kua akaa a sha kômputa agen a a ze kwaghmôm a akaa ne yô, sha u ngohol mkaanem man. Inja i ishember i cookie i i ter ken ngeren u a er kwagh u gbenda u yeren akaa a ior ne i gbanger. Ishember ne wa u koson akaa ken mbaanar mba or nan lu eren tom a mi la kpa ker.

Cookies. Ka wea za hen ijiir yase i sha Intanet ne yô, i koso mkaanem ma i yer ér “cookie” la ken hanseeti shin tablet shin ken kômputa wou, er hen ajiir a sha Intanet agen kpishi kpa i eren nahan. Cookie ngu ker atô kposo kposo, shi mba eren tom sha igbenda kposo kposo, kpa zom cii yô, ka ve wase u u fa u eren akaa sha Intanet tsembelee. Se fatyô u eren tom a cookies mban sha u fan aluer u vande zan hen ijiir yase i sha Intanet ne yô, shin sha u umbur akaa a yange u tsua zum u u hii zan hen ijiir ne la. U tesen ikyav yô, alaghga yange u tsua ma zwa u u soo yô, maa i koso mkaanem mara ken cookie sha er kwagen u hide u bugh ijiir ne kpa a lu zwa shon ua due yô. Se mba eren tom a mkaanem ma i koson ken Cookies la sha u yôôn akaa a mi ga.

A fatyô u paven cookies mba i eren tom a mi hen ijiir ne la ker atô atar:

1. Cookies mba Hange Hange​​—⁠Cookies mban mba hange hange sha ci u ka ve wase u u eren akaa agen sha Intanet, er u bughun account shin fiir foom sha Intanet shi tindin a mi nahan. A cookies mban shio yô, se fatyô u eren akaa agen a u soo wer i er u la ga, er u tindin a iyua nahan. Cookies mban mbagenev ka ve wase se u eren akaa agen a u pine jighilii wer se er sha ci wou shighe u lu eren akaa sha Intanet zan a mi ave la. Cookies mban mba ombon mkaanem sha kwagh wou sha u va eren kasua a mi shin umbur ijiir i u lu sha Intanet ga.

2. Cookies mba Wasen We u Eren Akaa​​—⁠Mban ka cookies mba ka ve wase ijiir i sha Intanet ne u umbur akaa a u tsough la, (er iti i account wou shin zwa shin ijiir i u lu la nahan), shi ka ve wase u u seer fan u eren akaa sha Intanet tsembelee.

3. Cookies mba Tôvon Kwagh a Mi​​—⁠Mban ka cookies mba ka ve wase u fan kwagh u ior mba ve ze hen ijiir i sha Intanet ne cii, er ingyegh ki ior mba ve ze hen ijiir ne, man shighe u ve tee u eren akaa her la nahan. Mkaanem man ka ma wase se u fan kwagh u se er ve ijiir ne ia hemba wasen ior yô.

Cookies mban mbagenev ka mba asev, mba ka ve lu hen ijiir yase i sha Intanet ne yô. Mbagenev ka mba asev ga, ka ve lu hen ijiir yase i sha Intanet ne, sha mbaadereshi mbagenev. Ka cookies asev tseegh se eren tom a mi ye, saa di cookies mba ve gbe ve zough vea Google reCAPTCHA la tseegh. Ka se er tom a Google reCAPTCHA sha u fan mkposo u orumace vea ukômputa sha er se palegh iv mbu sha kômputa yô. Za sha Google za ôr gbenda u ve yeren akaa a ior la, hen https://www.google.com/intl/en/policies/privacy/.

Kwagh u I Yer Ér Web Beacons La. Ashighe agen ka se ver ufail mba kiriki mba i yer ér web beacons la hen upeeji mbagenev hen ijiir yase i sha Intanet ne, sha er vea fatyô u koson kwagh u u er her la yô, er shighe u u bugh ma peeji nahan. Web beacons mban ka ve wase se u fan kwagh u a lu zan hemen hen ijiir yase i sha Intanet ne, shi fan er i lu eren tom la kpaa.

Er I Eren Tom a Kwagh u I Yer Ér IP address La. IP address ka ingyegh ki i fe hanma kômputa sha mi sha Intanet yô. IP address wou kua kwagh u sha kômputa u u bughun Intanet a mi la ka a wase se u tôvon sha igbenda i u eren akaa hen ijiir ne la, shi fan zayol mba her, shi sôron i sha er ia seer wasen we yô.

Kwagh u U Soo La. Akaa a sha kômputa a bughun Intanet a mi kpishi ka a lu a gbenda u u fatyô pirin cookies shin tsuan wer shighe u cookies a soo u koson mkaanem ken anar wou cii yô, a vande tan we icin. Wea soo u fan er ka i er kwagh ne yô, za hen kwagh u bughun Intanet a mi sha kômputa wou la, za ôr akaawan a i nger her la. Kpa fa wer, a cookies shio yô, alaghga u fatyô u eren akaa agen hen ijiir yase i sha Intanet ne ga.

Mba eren tom a kwagh u i yer ér scripting la hen ijiir ne sha er ia er tom tsembelee yô. Iwabuter i í yer ér scripting ne ka i wase ijiir ne u nan we mkaanem ma kwagh a gbe u a mi la fese. Se mba eren tom a scripting hen ijiir ne sha u wan ma kwagh ken kômputa wou shin zuan a mkaanem ma pasen kwagh wou a iniezwa you shio ga.

Ka i gba u ú bugh Active Scripting shin JavaScript u a lu ken kwagh u bughun Intanet a mi, u i yer ér browser la ve, ijiir yase ne ia er tom tsembelee ye. Browsers mbagenev ka ve bugh scripting ne sha ajiir a sha Intanet agen, sha ajiir agen di ve pir un a de u eren tom. Nahan wea bugh browser yô, za hen ijiir i keren iwasen, ape i nger ér help la sha er u fa u bughun scripting sha ajiir agen yô.

I na u ian i eren akaa hen ijiir ne gbilin, er u kuran shin danloodin ityakerada man uvidio man akaa a ungwan a ungwa nahan. Saa u bugh account hen ijiir ne, shin u er iyua shin u na mkaanem ma pasen kwagh wou keng ve u er kwagh hen ijiir ne ga. Nahan kpa, aluer u tsua u bughun account sha ishima you shin eren iyua shin fiir foom wer i va hen Bibilo a we gbilin, shin nan mkaanem ma pasen kwagh wou yô, tese ér u lumun a Gbenda u Yeren Akaa a Ior ne; shi u fa wer ityôugh ki mkaanem man ma yemen her la ki ken tar u Amerika, shi u lumun wer i ngohol mkaanem ou, i nenge sha ma, shi i tindi a ma her kpaa. Akaa ne cii u lumun wer Watchtower kua mbamzough mba ve suen Mbashiada mba Yehova ken ityar kposo kposo la cii ve er a, sha er a nenge sha kwagh u u soo la yô. A fatyô u tindin a mkaanem ou mara sha ajiir kposo kposo, kpa har sha kwagh u ú soo wer i er la. U tesen ikyav yô, aluer u soo u tindin a iyua hen ma mzough u sha tindi u hen ma tar yô, a tindi a iti you man adereshi wou hen mzough shon, er i vande pasen we zum u u lu tindin a iyua shon la nahan. Shi ikyav igen yô, aluer u kaa wer i hen Bibilo a we yô, a tindi a iti you man adereshi wou hen branci u Mbashiada mba Yehova u una nenge sha kwagh shon yô.

Aluer u soo u bughun account shin eren iyua shin u soo u zuan a kwagh ugen hen ijiir yase i sha Intanet ne, kpa u tindi a mkaanem ou ga yô, se fatyô u eren kwagh u u soo wer se er la ga.

Aluer va hingir hange hange u se gema kwagh sha Gbenda u Yeren Akaa A Ior ne ken hemen yô, se nger akaa a i gem la hen ijiir ne sha er u fa kwagh u se soo ser pase se sha kwagh wou man kwagh u ka se er a mkaanem ma se ngohol hen or la yô.

Aluer tindi na u ian yô, u fatyô u seer eren kwagh sha mkaanem ma u tindi se a mi u pasen se kwagh wou la. Kwagh ne kua ian i hiden sôron shin koughon akaa agen a yange u tindi se a mi hen ijiir ne sha kwagh wou la. Aluer tindi ne ngu ken tar wou yô, u fatyô u zuan a adereshi wase heen. Kwagh u u soo u fan sha kwagh u mkaanem ma u tindi se a mi la una gba a zua sha kwagh u iyua i eren yô, lam a ior mba yange i pase u ken loho ér iyua you la ngi yemen hen a ve la.