Nongo u Mbashiada mba Yehova ngu eren asenge sha ian i ior ve lu a mi i yeren akaa a ve la ga, er atindiakaa a ken Bibilo a tese nahan. Nongo ne kav er i gbe hange hange u ôron kwagh wang man sha mimi shi ngohol mkaanem ma iorov ma i gbe u mbagenev vea fa kwagh sha mi ga la, sha u nengen sha mbamgbe mba Mbashiada mba Yehova shi eren tom ve u kwaghaôndo man u nan ior iwasen la yô. Shi ve nenge er i lu hange hange u vea yer mkaanem ma i gbe u ior vea fa ga la, shi vea nenge ér ve kura mkaanem ma hanma or tsembelee yô. (Anzaakaa 15:22; 25:9) Gba kpee u se pasen akaamyer ga.—Anzaakaa 20:19.

Ityar igen kpishi wa atindi sha kwagh u kuran mkaanem ma or la sha u nengen ér hanma or ngu a ian i yeren kwagh u nan. Nongo u Mbashiada mba Yehova ndera tesen icivir sha ian i ior ve lu a mi i yeren akaa a ve la ka kwagh u nyian a mi ga, shi ve yer akaa ica gba cii ve gomoti va mase wan atindi sha kwagh shon ye. Shi ka u nongo u Mbashiada mba Yehova ua za hemen u kuran mkaanem ma ior ve pasen ve la, er ve vanden eren keke nahan. Ka gbenda u ve eren kwagh shon je i pase ken ngeren ne la.

Mba dondon gbenda u se eren kwagh ne la sha ubranci mba Mbashiada mba Yehova mba ve lu sha ajiir kposo kposo sha tar la.

Nongo u Mbashiada mba Yehova ka ve nenge sha mkaanem ma hanma or cii er i tese shin heen nahan:

1. Aluer se ngohol mkaanem ma or yô, se er a ma sha inja man er tindi a tese la.

2. Se ngohol mkaanem ma or, se nenge sha mi, shi se er kwagh a ma er i gbe hange hange u se er sha u kuren akaa a Mbashiada mba Yehova ve we ishima u eren sha kwagh u tom u kwaghaôndo man iwasen i nan ior la.

3. Kwagh a nzughul sha mkaanem ma or ma se koso la ga. Shi se nyôôso ma shighe u nan va seer kwagh u he sha mi yô. Aluer nongo ne va nenge a mshi sha ma yô, se sôr un fese je.

4. Se koso mkaanem ma or hen shighe u kwagh a gbe nongo ne u eren kwagh shin akaa a hange hange a mi la tseegh.

5. Se nenge sha mkaanem ma ior ve ne se la tsembelee er ve soo la.

6. Se er tom a ukômputa shi se dondo igbenda igen i kuran kwagh i se ver yô, sha er or u i ne nan ian ga nana fatyô u iin mkaanem ma or ga yô. Mkaanem ma ior ma i koson ken ukômputa la cii ka ma lu ken ukômputa mba or a gba bughun ve ga, saa nana wa iti i bughun ve a mi, man ka mba i ne ve ibughun la tseegh vea bugh ve ye. Ka a kurun tom yô, i senda afishi la cica cii, shi ka mba yaren her mba i ne ve akii tseegh vea fatyô u bughun a ye.

7. Mayange a tôô mkaanem ma or hen branci wase ugen a tindi a mi hen ugen ga, saa di gba hange hange u a er tom u kwaghaôndo a mi kua tom u nan ior iwasen, u nongo u Mbashiada mba Yehova ve we ishima u eren shi hanma Orshiada u Yehova cii nan lumun u eren u, sha ci u nan tsua a ishima i nan ér nana lu Orshiada u Yehova shi i yilan nan nahan kpaa la.

1. Mbashiada mba Yehova ka ve na or ian i kuran mkaanem ma nan ma nan soo ér orgen kposo nana fa ga la, shi ve na nan ian i sôron ma gayô koughon ma kera, vough er ve tese ken ngeren ne nahan.

2. Or u nan soo ér i na nan ian i eren kwagh ne cii a gba u nana pase se kwagh u nan a kuma.

3. Aluer or soo ér i hide i sôr shin i kough mkaanem ma nan ma nan soo ér orgen nana fa kwagh sha mi ga la yô, nongo ne ua er kwagh u nan soo la vough, aluer ka u a na nan ian i sôron shin koughon mkaanem ma nan kpa kwagh ne una vihi ian i nongo ne u lu a mi i eren kwaghaôndo ve la ga yô.

4. Or u nan lu Orshiada u Yehova cii yô, nongo ne ka u soo u koson mkaanem ma nan her gbem. Aluer or kough mkaanem man yô, kwagh ne una hendan a aeren man atesen a nongo ne tsung je.

Aluer or nenge ér mimi je i wa ian i nan lu a mi la ikyo ga yô, nana fatyô u ngeren washika hen Kômatii u Nengen sha Branci, yilan ijir. Zum u nan tagher a zayol la yô, nana tindi a washika ne a nyôr a ve ken atô u kasua uhar.