Hii uwer u Maaci 2016 la je, i hii u gberen ngeren u “Bibilo Kaa Ér Nyi?” la ken ijime i igbende i Iyoukura i nan ior ken won i ken zwa Tiv la. I gber ngeren u he ne sha er una wase se u hiin iliam a ior sha ma itinekwagh i ken Bibilo yô. Ngeren ne ngu vough er utrak asev mbara nahan. I pine mpin u una wase or u pasen mnenge u nan yô, maa i na mlumun u a due ken ma ivur Bibilo yô, kua atôakaa agen aa u fatyô u seer timen sha mi vea nan yô.

Ka sea lamen sha atôakaa a ken Ruamabera vea ior tsembelee yô, kwagh la a na ve lumun ér se hen Bibilo a ve. Er tom a ngeren u he ne sha er u wase ior kpishi mba ve lu ijen ken jijingi la vea ide yô.—Mt 5:6.

1. Pine orya mnenge u nan sha môm ken mbampin mbara

2. Kegh ato ungwa mlumun u nan la shi wuese nan

3. Ôr ivur u a dondo sha itinekwagh i i kaa ér, “Kwagh u Bibilo I Kaa Yô” la, maa pine mnenge u nan sha ivur shon. Aluer nan ngu a shighe yô, za hemen a ian la, lam nen sha atôakaa aa lu hen itinekwagh i “Ka Nyi Igen Kpa Bibilo I Tese se?” la

4. Na nan magazin shon

5. Sôr ian sha er u hide u za lam a nan shi u time sha mpin u sha uhar la yô