ER I HII VE I LU HANGE HANGE YÔ: Yehova u a lu Ortesen u Hemban Cii la, ne se ityesen i hemban doon cii. Ka a tese se er se er ve uma wase una seer doon yô, shi ngu wan se agoyol sha ci u mlu u hemban doon cii ken hemen, man se mba kimbin sule sha mi ga! (Yes 11:6-9; 30:20, 21; Mp 22:17) Shi Yehova ka a wa se agoyol u ôron mbagenev loho u waren uma la, sha ikyev i ityesen na.—2Kor 3:5.

ER SE ER KWAGH NE YÔ:

• Hiden a iyol ijime shi lu ishima legh legh.—Ps 25:8, 9

• Lumun gbenda u i lu tsaase we hegen la, sha u eren mbaasaimenti mba mbayevmakeranta, mba i eren ken mkombo u ken atô u kasua la

• Tsua akaa a ken jijingi a u er yô.—Fil 3:13

• De akaa agen a kar u sha er u kuma u a seer tsaase we yô.—Fil 3:8

NENGE VIDIO I ITYESEN I YEHOVA NA SE HINGIR YÔUGHYÔUGH KEN JIJINGI LA, MAA NA MLUMUN SHA MBAMPIN MBA VE DONDO NE:

• Ka mbamtaver mba nyi mbapasenkwagh mbagen hemba sha er vea za Makeranta u Mbapasen Ivangeli i Tartor laa?

• Ka ityesen i nyi nahan Makeranta u Mbapasen Ivangeli i Tartor la ka u na ioro?

• Mba ken tiônnongo wase u suen mba ve za bee makeranta ne la u eren ityom i he i i ne ve la nena?

• Ka akaa a nyi i gbe u or a er ve nana kuma u zan Makeranta u Mbapasen Ivangeli i Tartor laa? (kr 189)

• Ka ityesen igen i nyi kpa, u fatyô u zuan a mi ken nongo u Yehova?