LU A IEREN I ORKRISTU
Er Se Seer Fan Igbenda i Pasen Kwagh Yô—Pinen Mbampin sha Inja
ER I HII VE KWAGH NE A LU HANGE HANGE YÔ: Aluer “mhen u ken ishima i or ngu er mngerem ma zan” shimi nahan yô, mbampin gema mba er bokoti u kesen ma a mi la nahan. (Anz 20:5) Mbampin ka ve wase se u lamen imôngo vea mba ve lu keghen ato a vese la. Mbamlumun mba or ne sha mbampin mba se pin sha inja la, ashighe kpishi ka ve na se kav kwagh u doon tsung sha kwagh u or shon. Yesu yange pinen mbampin sha inja. Se dondo ikyav na la nena?
ER SE DONDO IKYAV NA YÔ:
-
Pine mbampin mba wasen we u fan mnenge u or. Yesu yange a pine mbahenen nav mbampin kpishi, sha er una fa mnenge ve yô. (Mt 16:13-16; be 238 ¶3-5) Ka mbampin mba wasen we u fan mnenge u or mba nyi, u fatyô u pinene?
-
Pine mbampin mba wasen or u kuren ikyaa sha kwagh sha inja. Er Yesu soo u kôôm mhen u Peteru yô, a pine un mbampin shi a na mbamlumun sha mi, mba ve wase Peteru kure ikyaa sha kwagh sha inja yô. (Mt 17:24-26) Ka mbampin mba nyi nahan, u fatyô u pinen sha u wasen or u kuren ikyaa sha kwagh sha injaa?
-
Wuese or u nan lu keghen ato a we la. Shighe u orngeren ugen “lumun vough” la, Yesu wuese un. (Mr 12:34) Aluer or na mlumun sha mpin yô, u fatyô u wuese nan nena?
NENGE VEGHER U HIIHII U VIDIO I ER TOM U YESU KPA ER LA—TESEN IOR LA, MAA NA MLUMUN SHA MBAMPIN MBAN:
-
Er kwagh u anmgbian la a lu ôron la a lu u vough nahan kpa, er nan ve gbenda ne u lu ikyav i injaa i tesen or ga?
-
Gba u se er kwagh a hemba di u pasen kwagh u i lu henen la sha ci u nyi?
NENGE VEGHER U SHA UHAR U VIDIO LA, MAA NA MLUMUN SHA MBAMPIN MBAN:
-
Anmgbian la pine mbampin sha inja nena?
-
Ka gbenda na u tesen ugen u nyi se fatyô u dondono?