AKAAINJAA A KEN MKAANEM MA AÔNDO | MATEU 18-19
Palegh u Nan Iyol You man Mbagenev Gbev mbu Nôngon
Yesu yange ôr anzaakaa u tesen er u nan iyol you shin mbagenev gbev mbu nôngon la, i lu beerkwagh ga yô.
-
“Gbev mbu nôngon” ka ma ieren shin ma mlu u a ne or dondo gbenda u vough ga shin nan tese inja i mimi ga, shin nan gbe ken isholibo yô
-
Aluer or na orgen gbev mbu nôngon yô, guda u ma i zer nan zegenase sha mon, ma i gbihi shin zegemnger
Iniase
-
Yesu yange wa mbadondon un kwagh ér, aluer kwagh u injaa er uwegh shin ishe nahan je kpa, ngu nan ve gbev mbu nôngon yô, ve tôndo uwegh kura shin ve dugh ishe la ve ta kera
-
Aluer or ta imbakwagh u doon nan ishima tsung la kera sha er nana nyôr Tartor u Aôndo yô, a hemba doon. Kpa aluer nan venda u tan un kera yô, a kende nan ken Gehena, u a til sha ityough ki mtim u tsôron la
Ka nyi ken uma wam ia fatyô u nan or gbev mbu nôngono, man me er nan ve me fatyô u palegh u nan iyol yam shin mbagenev gbev mbu nôngono?
