Janawari 27–Febewari 2
PASALMI 140-143
Icam 44 man Msen | Mkaanem ma Hiin Mkombo (Miniti 1)
1. Wea Er Msen Yô De Tem a Tema Ga
(Miniti 10)
Kegh iyol u ngohol kwaghwan shin lumun tsaha (Ps 141:5; w22.02 12 ¶13-14)
Hen sha akaa a Yehova a eren u yiman ior nav la (Ps 143:5; w10 3/15 32 ¶4)
Nôngo u nengen kwagh er Yehova kpa a nengen la (Ps 143:10; w15 3/15 32 ¶2)
Pasalmi 140-143 ngu a mbamsen mba Davidi yange er sha u sônon iwasen la, kua mkaanem ma tesen ér yange tema a tema ga.
2. Akaainjaa a ken Bibilo
(Miniti 10)
-
Ps 141:2—Yehova nengen mbamsen mba ka se er se pase un er i lu se ken ishima jighilii la nena? (w22.03 21 ¶7)
-
Ka akaainjaa a nyi u zough a mi ken Bibilo i ôron i ken kasua ne a u soo u ôron mbageneve?
3. Bibilo i Ôron
(Miniti 4) Ps 141:1-10 (th kwaghhenen u sha 12)
4. U Hiin Iliam a Or
(Miniti 4) SHIGHE U IAN I DUGH YÔ. Hii u ôron nan kwagh u Bibilo shighe u u wase nan u eren ma kwagh u bee yô. (lmd ityough 3 ityôkwagh i sha 5)
5. Wase Mba ve Soo u Fan Mimi La
(Miniti 3) KWAGHPASEN U KEN IGBAR. Or shon nan kaa ér nan ngu gbilin ga. (lmd ityough 7 ityôkwagh i sha 3)
6. Er U Pase Or Kwagh u Bibilo i Tese Yô
(Miniti 5) Ikyav i nengen. lff ityough 39 ngeren u hiin kua ityôkwagh i sha 1 man 2—Itinekwagh: Er Nan Ve Mbashiada mba Yehova Ve Lumun Awambe a Tan Ga? (th kwaghhenen u sha 7)
Icam 141
7. Wa Iyol Keghen a Kegh Shighe u Alaghga a va Gba u a Pav U shin a Er U Twer Abur Abur La
(Miniti 15) Kwaghôron u wan mba u lu lamen a ve la ker.
Yehova tôndo zwa ér una lu se “iwasen i i lu ikyua ikyua ken ican je” yô. (Ps 46:1) Ashighe nga a ka a gba u a za pav or shin a er nan twer u abur abur ve ishima i nyian yô. Nahan kpa, Yehova na se hanma kwagh u i gbe u se lu a mi ve se wa iyol se keghen a kegh yô. Ikyav i tesen yô, nongo u Yehova na se kwatakeda u nan orgen tahav sha tindi (DPA) man Kaade u Shiada, a man ngeren mba sha kwagh u tweregh mbagenev b kua Kômatii u Wasen sha Kwagh u Iyouci (HLC). Akaa ne nga a wase se u kuran tindi u Aôndo a we sha kwagh u awambe la.—Aer 15:28, 29.
Tese VIDIO i U Wa Iyol sha Twer u Abur Abur Vee? la. Maa pine mba u lu lamen a ve la wer:
-
Mba ve we uwegh shin kaade u DPA la ve zua a iwasen nena?
-
Ngeren u a lu a itinekwagh ér Information for Expectant Mothers (S-401) la wase mbagenev nena?
-
Er nan i hembe doon u u vande lamen a ortamen u nan lu ken Kômatii u Wasen sha Kwagh u Iyouci (HLC) la, shighe u i gbe u a kôr u gambe shin a er u twer u vesen er ipyaven shin u sôron kyansa nahan, aluer u nenge wer alaghga twer shon ua wa kwagh u awambe ker ga je kpaa?
8. Bibilo i Henen ken Tiônnongo
(Miniti 30) bt ityough 21 ¶14-22
Mkaanem ma Kuren Mkombo (Miniti 3) | man Msen
a Mbapasenkwagh mba ve er batisema cii vea fatyô u ngohol kwatakeda u DPA la hen Orshiren tiônnongo u nan nengen sha ityakeda la iyol ve, shi vea ngohol Kaade u Shiada la sha ci u mbayev vev mba kiriki.
b Mbapasenkwagh vea fatyô u kaan ér mbatamen ve na ve ngeren u Information for Expectant Mothers (S-401) man Information for Patients Requiring Surgery or Chemotherapy (S-407) kua Information for Parents Whose Child Requires Medical Treatment (S-55) la, aluer kwagh gba ve a mi yô.
