9:62

Cii man orsule nana kaha mbaagbegi ve yem jighilii yô, yange i gba u nana de ér kwagh u ken ijime a dan nan ga. Kape Orkristu kpa, i gbe u nana de ér akaa a taregh a yange nan undu la a dan nan ga je la.—Fil 3:13.

Shighe u se tagher a mbamtaver yô, fese je a sar se u ma se hidi ma se lu sha ‘uma u doon tsung u ngise se lu sha mi’ la, alaghga je yô, ken ayange a a kar cii ve se va fa mimi la. Ka sea eren nahan yô, ashighe kpishi se kehe a msaanyol u yange se lu ker la i za kar ikyaa inya, shi i lu se inja ér yange se tagher a mbamzeyol kpishi ga nahan. Ka kwagh u Mbaiserael er shighe u ve undu Igipiti je la. (Nu 11:5, 6) Aluer se mba henen sha ambaakaa la yô, aa fatyô u meen se hiden yemen sha uma wase u tse la. Hemba doon u se henen sha averen a se lu zuan a mi hegen la, shi veren ishima yase sha akaa a saan iyol a se va zua a mi ken Tartor la kpaa!—2Kor 4:16-18.