Sha iyange i Maaci 23, se lu veren ashe a mbavannya mba kuma iorov er miliôn 12 shin hemban nahan je kpaa, mba vea lu van Ku Uumbur yô. Sha kpôô yô, a doo mbavannya mban tsung u ungwan er ornankwaghôron una pase kwagh u iyua i ipaan i Yehova a ne la, man averen a uumace vea va zua a mi ken hemen sha ci u iyua shon la kpen kpen! (Yes 11:6-9; 35:5, 6; 65:21-23; Yoh 3:16) Nahan kpa, ka ornankwaghôron tseegh una er shiada hen mkombo u injaa ne ga. Se cii, se mba a ian i ngohol mbayannya asev mban saan saan. (Ro 15:7) Ka akaa a se fatyô u eren je ne.

• De karen za keren ijiir teman her keghen shighe u mkombo ne una hii ga, kpa ngohol mbavannya kua mba ve kera ve mkombo ga la, saan saan shi sugh ve kigh kigh za van

• Er u hemba veren ishima sha ahuraior ou a u lehe ve iyol iyou nahan kpa, ver ishima sha ci u alaghga mbagenev mba yange i lôhô ve shighe u i lu nan ior kwatakerada u lôhôn ve mkombo ne la vea va. Lôhô mbahev wer ve tema a we imôngo. Shighe u i lu ôron Bibilo yô, ne fatyô u nengen ken Bibilo you imôngo, shighe u wan icam kpa nahan

• A duen mkombo ne yô, kegh ato a ve aluer vea lu a mbampin yô. Aluer ian ngi ga sha ci u gba u ne due ne na tiônnongo ugen ian yô, sôr ian sha er u hide u za sôr or shon fele fele yô. Aluer u ngu a adereshi shin namba u nan ga yô, u fatyô u pinen nan wer: “Tsô, mkombo kaa nena? Me fatyô u zuan a adreshi shin namba wou kpa?”