AKAAINJAA A KEN MKAANEM MA AÔNDO | YEREMIA 12-16
Iserael Hungur a Yehova
Yehova yange na Yeremia tom u taver kpen kpen; ú yange u tese er Yehova wa ishima u timin Mbayuda mba ve hemba ato la kua Yerusalem cii yô.
Yeremia za yam tsar u shin iwenge
13:1, 2
-
Tsar u Yeremia tsure ken iwenge la tile sha ityough ki ikyar i kangenaa i ikyurior i Iserael ya a Yehova la
Yeremia za a tsar u shin iwenge la shin Ifi u Uferati
13:3-5
-
A za yer un ken kwevande, maa cin hide ken Yerusalem
Yeremia hide za hen Ifi u Uferati za tôô tsar u shin iwenge shon
13:6, 7
-
Tsar u shin iwenge la vihi
Zum Yeremia er tom la bee yô, Yehova pase un inja i kwagh shon
13:8-11
-
Er Yeremia ungwa imo i Yehova, er kwagh u Yehova kaa ér a er u lu inja er ka ibumekwagh ne yô, kwagh la wase ior u fan kwagh u Yehova wa ishima u eren yô
