25:1-12

Er lu mbadondon mba Yesu jighilii, Yesu ôr injakwagh i anuunaukase pue la sha ci ve nahan kpa, loho u vesen u u lu ker la, ngu sha ci u Mbakristu cii. (w15 3/15 12-16) A kaa ér: “Yô, kuran nen gadia ne fa iyange shin ihwa kpaa ga.” (Mt 25:13) U fatyô u pasen injakwagh i Yesu la kpa?

• Orkwasehe (ivur 1)—Yesu

• Anuunaukase a fan kwagh, a a wa agoyol la (ivur 2)—Mbakristu mba i shigh ve mkurem, mba ve we agoyol u eren tom ve sha mimi shi ve lu tan iwanger zan zan mkur una kar van la (Fil 2:15)

• Angwe u ‘Orkwasehe ngu van!’ la (ivur 6)—Ikyav i tesen m-ande u Yesu

• Anuunaukase a lanen kwagh (ivur 8)—Mbakristu mba i shigh ve mkurem, mba ve dugh u keghen Orkwasehe gbenda, kpa ve de u kuran, shi ve kera til sha mimi ga la

• Anuunaukase a fan kwagh la, venda u panden mkurem vem nan anuunaukase a lanen kwagh la (ivur 9) —A veren mba i shigh ve mkurem la, ikyav i masetyô la yô, shighe a kera lu u mba i shigh ve mkurem, mba ve til sha mimi la, vea wase ma or u i shigh nan mkurem, kpa nan kera til sha mimi ga la ga

• “Orkwasehe za va” (ivur 10)—Yesu una va u ôron ijir shighe u zegecan una lu zurum u been la

• Anuunaukase a fan kwagh la, nyôr a orkwasehe imôngo ken iyou i iniongo i kwasehe, maa i wuhe hunda (ivur 10)—Yesu una kohol mba i shigh ve mkurem, mba ve til sha mimi la, una yem a mi Sha, kpa mba ve til sha mimi ga la yô, injar i Sha la, ia kar ve