Mbamzeyol ka ve na iyol i ngôôr kpen se ga, hemban je yô shighe u ve soo u been fele ga yô. Davidi yange fa je ér iyange igen zayol na vea Saulu la una bee, una hingir tor er Yehova kaa nahan. (1Sa 16:13) Jighjigh u Davidi yange wase un u wan ishima keghen Yehova.

Shighe u se tagher a zayol yô, doo u se er kwagh sha inja man sha kwaghfan sha u nôngon a zayol shon. (1Sa 21:12-14; Anz 1:4) Nahan kpa, ashighe agen ka sea nôngo sha afatyô wase sea dondo akaawan a Bibilo kpa mbamzeyol mbagen ve bee ga. Aluer kwagh ngu nahan yô, doo u se wa ishima se kegh Yehova. Shi cuku una bee a ican i yan shi una ‘ese se mliam cii’ sha ashe kera. (Mp 21:4) Aluer ka Yehova a er kwagh sha u been a zayol wase shin ka ma kwagh ugen kpa kwagh u se fe yô, Hanma zayol cii ngu a iyange na i been. Kwagh ne ka kwagh u surun se ishima kpen kpen.

NENGE VIDIO I IOR MBA LUN KEN MZOUGH KEN TAR U MPAV A NGEE KER KPISHI NE LA, MAA NA MLUMUN SHA MBAMPIN MBA VE DONDO NE:

• Ka mbamtaver mba nyi Mbakristu mba ken tar u America yange ve tagher a mini?

• Yange ve tese dooshima man ishimawan nena?

• Yange ve za hemen u veren ishima sha “akaa a a hembe lun a inja” la nena?—Fil 1:10