Er se lu wan ishima hen shighe u “ayange a masejime” a zurum u been ne yô, se fa je ser mbamzeyol vea lu seer a seer. (2Ti 3:1; nwtsty-E ngeren u timen sha mi u Mt 24:8) Shighe u ma kwagh u vihin tsung, er tartenger shin imbakwagh la nahan i er yô, ka i wa ior mba Yehova kwagh shi i tese ve gbenda u vea fatyô u waren kwagh shon yô. Sha nahan yô, aluer se mba dondon kwagh u i we se ér se wa ago hegen, sha iyol man ken jijingi kpaa la yô, alaghga se war shighe u kwagh u vihin a er yô.—Lu 16:10

• Wa ago ken jijingi: Eren msen shi ôron Bibilo hanma shighe. Hen igbenda kposo kposo i pasen kwagh. Shighe u u kera lu imôngo a anmgbianev mba ken tiônnongo ga kpa, i de cier we iyol ga. (Yes 30:15) U ngu tswen ga, Yehova man Yesu mba a we.—od-E 176 ¶15-17

• Wa ago sha iyol: Doo u hanma tsombor ua lu a ikpa i moughon zende u abur abur la. Kpa ka cii la ga, hanma tsombor ua fatyô u wan iyol sha kwaghyan man mngerem kua icigh ki menan man akaa agen, sha er a va gba u ior a kera zende ga a kuma shighe gôgônan kpa, akaa la aa wase ve yô.—Anz 22:3; g-E 17.5 4, 6

NENGE VIDIO I U WA AGO IYOL SHA AAHE KPA? LA, MAA NA MLUMUN SHA MBAMPIN MBA VE DONDO NE:

• Se wa ago ken jijingi sha ci u ma kwagh u vihin tsung u una fatyô u va eren la nena?

• Er nan ve i doo u. . .

  • se lamen a mbatamen hanma shighe?

  • se wa ikyav ken ikpa i moughon zende u abur abur laa?

  • se vande henen sha akaa a vihin tsung a aa fatyô u eren hen ijiir yase la, man kwagh u se er shighe u akaa shon aa va er laa?

• Ka sha igbenda itiar i nyi nahan se fatyô u wasen mba kwagh u vihin a er ve laa?

PINE IYOL YOU WER, ‘Kwagh u angev mbu korona ne tesem nyi sha kwagh u vanden wan ago iyoloo?’