Jighilii yô, tsaha ka kwaghwan man ityesen, kpa shi u wa mkôôm u nyoon kpa ker. Yehova ka a tsaha se sha er se civir un sha gbenda u a lumun a mi la yô. (Ro 12:1; Heb 12:10, 11) Ashighe agen tsaha ka u nyoon, kpa or ka nana lumun tsaha yô, nan zua a iveren shi nan ume ityamegh ki perapera. (Anz 10:7) Ka nyi i gbe u mba i tsaha ve kua mba ve lu a ian i tsahan ior la vea lu a mi ken ishima?

Mbatsahan ior. Mbatamen kua mbamaren man mbagenev ka ve nôngo kpoghuloo ér, tsaha ve la u lu u sha dooshima, shi u de lu sha tswam ga, er Yehova nahan. (Yer 46:28) Aluer gba u a tsaha or taveraa je kpa, i tsaha nan sha dooshima man sha indi i kwaghbo u nan er la.—Ti 1:13.

Mba i tsahan ve la. Hanma gbenda u i tsaha se cii kpa, se venda tsaha la ga, se lumun u fese je. (Anz 3:11, 12) Se uumace cii se yina, nahan gba u a tsahan se, man tsaha ngu lu gbenda môm tseegh ga. Shighe ugen a lu kwagh u se ôr ken Bibilo shin se ongo ken mkombo u tiônnongo la una kôôm se ye. Shin shighe ugen yô, a gba u kômatii u ôron ijir una tsaha se. Aluer se ungwa tsaha yô, uma wase una hemba doon, shi se va zua a uma tsôron.—Anz 10:17.

NENGE VIDIO I “OR U NAN DOO TER ISHIMA YÔ, KA NAN MAN A KÔÔM NAN YE” LA, MAA NA MLUMUN SHA MBAMPIN MBA VE DONDO NE:

• Uma u Canon yange hii nena, man yange va gema nena?

• Yehova yange tsaha un sha gbenda u tesen ér a doo un ishima nena?

• Ka nyi man nyi se hen ken kwagh na nee?