Wanakiriki u jighjigh man u fan kwagh la ne se kwaghyan “sha ashighe ashighe,” u tesen ér Yehova u a lu hemen un la, fa kwagh u kwagh a gbe se a mi ken jijingi yô. (Mt 24:45) Mbamkohol asev mba vesen man mbamkombo asev mba ken atô u kasua la, kua akaa agen kpaa, tese ikyav i kwagh ne.

NENGE VIDIO I IBAVER I KÔMATII U TESEN I KEN INYOM I 2017 LA, MAA NA MLUMUN SHA MBAMPIN MBA VE DONDO NE:

• Ka an i gbe u nana ngohol iwuese sha ci u mbamkohol mba vesen mba i eren sha shie vough, mba ka ve doo se la, man ka sha ci u nyi?

• Ka hanma shie ka i i hii u eren tom sha ci u mkohol u vesene?

• Ka i tsua atineakaa sha ci u mkohol u vesen nena?

• Ka tom u nyi ka i er, sha u wan agoyol sha mbamkohol mbavesene?

• Ka i er tom a igbenda i henen kwagh ken Makeranta u Gileadi la, u ngeren akaa a se henen ken mkombo wase u ken atô u kasua la nena?

• Agbaratom kposo kposo nga a er tom imôngo, u eren antakerada u mkombo la nena?

We u nenge akaa a ken jijingi a Yehova a ne se la nena?