Novemba 18-24
PASALMI 107-108
Icam 7 man Msen | Mkaanem ma Hiin Mkombo (Miniti 1)
1. “Wuese Nen TER, Gadia A Doo”
(Miniti 10)
Yehova war se sha ikyev i tar u Satan ne sha imba gbenda i yange yima Mbaiserael, due a ve ken Babilon la (Ps 107:1, 2; Kol 1:13, 14)
Doo se u sughun Yehova, nahan ka se wuese un ken tiônnongo (Ps 107:31, 32; w07 5/1 6 ¶2)
Ka sea hen sha akaa a dedoo a Yehova a eren sha ci wase la yô, se hemba wuese un cii (Ps 107:43; w15 1/15 9 ¶4)
2. Akaainjaa a ken Bibilo
(Miniti 10)
-
Ps 108:9—Alaghga lu nyi i na ve i tôô Moabi i kar sha ‘ikyagh ki ôôn iyol’ ki Aôndo? (it-2-E 420 ¶4)
-
Ka akaainjaa a nyi u zough a mi ken Bibilo i ôron i ken kasua ne a u soo u ôron mbageneve?
3. Bibilo i Ôron
(Miniti 4) Ps 107:1-28 (th kwaghhenen u sha 5)
4. U Hiin Iliam a Or
(Miniti 3) SHIGHE U IAN I DUGH YÔ. (lmd ityough 1 ityôkwagh i sha 4)
5. Wase Mba Ve Soo u Fan Mimi La
(Miniti 4) SHIGHE U IAN I DUGH YÔ. Pase nan er ka se hen Bibilo a ior yô, shi na nan kaade u lôhôn ior ér ve hen Bibilo la. (lmd ityough 9 ityôkwagh i sha 3)
6. Kwaghôron
(Miniti 5) ijwyp-E 90—Itinekwagh: Me Er Nan Ve Me De u Henen sha Akaa a Shami Ga? (th kwaghhenen u sha 14)
Icam 46
7. Ka Se Wa Icam sha u Wuese Yehova
(Miniti 15) Kwaghôron u wan mba u lu lamen a ve la ker.
Shighe u Yehova yima Mbaiserael mba mciem gba ve iyol la sha ikyev i ushoja mba Igipiti mba ageev shin Zegemnger u Nyian la, saan ior nav iyol je ve wa icam i wuese kwagh u er ne. (Ek 15:1-19) Lu nomso je ve lu tôôn icam i he ne ye. (Ek 15:21) Yesu man Mbakristu mba sha ayange a tsuaa la kpa yange ve waan atsam a wuese Aôndo. (Mt 26:30; Kol 3:16) Nyian kpa se mba wuese Yehova sha u wan atsam ken mbamkombo mba tiônnongo man mbamkohol mba kiriki kua mba vesen. U tesen ikyav yô, i ndera wan icam i “Se Sugh U, Yehova,” i se sember wan ne, ken mbamkombo asev hii ken inyom i 1966 la je.
Sha ajiir agen yô, alaghga nomso vea soon u wan atsam hen ikpelaior ga ér vea va hee. Mbagenev yô, alaghga vea soo u wan icam ga sha ci u ve nenge ér mba a ikyenge i icam ga. Nahan kpa, doo u se umbur ser u wan icam ken mbamkombo asev la ka vegher u mcivir wase. Nongo u Yehova ka u er tom kpoghuloo u dughun atsam a doon ne, shi ve tsua a se wa ken hanma mkombo yô. Tom wase di yô, ka u zuan akenge imôngo wuese Ter wase u sha la shi tesen ser a doo se ishima.
Tese VIDIO i Yiase I Nongo Wase —Icam Ka Iyua, Vegher u 2. Maa pine mba u lu lamen a ve la wer:
-
Ka kwagh u vesen u nyi yange er ken inyom i 1944 laa?
-
Anmgbianev asev mba ken Siberia yange ve tese ér doo ve u wan atsam a Tartor nena?
-
Er nan ve atsam a wan a lu Mbashiada mba Yehova kwagh u injaa?
8. Bibilo i Henen ken Tiônnongo
(Miniti 30) bt ityough 18 ¶6-15
