U Lamen Kpishi: De henen wer, a gba u u pase hanma kwagh ga. Yesu yange pinen ior mbampin mba wasen ve u fan kwagh u a lu u vough la iyol ve. (Mt 17:24-27) Mbampin ka ve na kwaghhenen a doo, shi ve wase u u fan kwagh u or u lu henen Bibilo a nan la nan kav shi nan ne jighjigh a mi la kpaa. (be-E 253 ¶3-4) Shighe u u pin or mpin yô, wa ishima kegh nan nana na mlumun. Shighe u orhenen Bibilo nan ne mlumun kpe yô, de gbe ôron nan kwagh u shami la ga, kpa pine nan mbampin mbagenev mba vea wase nan u zuan a mlumun u vough yô. (be-E 238 ¶1-2) Lam sha gbenda u orhenen Bibilo la nana kav kwagh u lu ôron la yô.—be-E 230 ¶4.

U Ôron Akaa Kpelegh Kpelegh: Palegh u ôron hanma kwagh u u fe sha itinekwagh i ne lu lamen sha mi la. (Yoh 16:12) Hemba veren ishima sha atôakaa a vesen a a lu ken ikyumhiange la. (be 226 ¶4-5) Aluer se ôr akaa kpelegh kpelegh, a̱ lu a doon ungwan je kpa, aa na atôakaa a vesen la aa kera due tsembelee ga. (be 235 ¶3) Aluer or u ú lu henen Bibilo a nan la zua a kwagh u ne lu henen la yô, yem sha ikyumhiange igen.

U Gban Nôngon Tsô Ér a Bee ma Takerada: Isharen yase ka u loho wase u nyôr ior ken ishima, ka u been ma takerada ga. (Lu 24:32) Er tom a tahav mbu Mkaanem ma Aôndo sha u hemban veren ishima sha avur a Bibilo a a hembe tan iwanger sha kwagh u ne lu henen la. (2Kor 10:4; Heb 4:12; be 144 ¶1-3) Ôr anzaakaa a a taver u kaven ga yô. (be 245 ¶2-4) Fa mbamtaver mba orhenen Bibilo la kua kwagh u nan ne jighjigh a mi la, nahan shighe u ne lu henen kwagh yô, nôngo kwaghhenen la a zua sha mlu u nan la. U fatyô u pinen nan mbampin mban nahan: “U ngu henen kwagh ne nahan, ka u nena?” “Kwagh ne tese se nyi sha kwagh u Yehova?” “Ka mbamtsera mba nyi nahan ú zough a mi sha u dondon kwaghwan nee?”—be 238 ¶3-5; 259 ¶1.