Shighe u ú ze hen ya, man u nenge a wanye tseegh yô, doo u se pine nan mbamaren mba nan. Kwagh ne una tese icivir sha ian i ve lu a mi i lun ityough sha tsombor la. (Anz 6:20) Aluer wanye kaa ér se nyôr ker yô, doo u se venda. Aluer mbamaren mba nan mba her ga yô, se hide se za shighe ugen.

Aluer wanye la nan ngu anyom pue kar je kpaa, a hemba doon u se pine mbamaren mba nan. Aluer mba her ga yô, se fatyô u pinen wanye la aluer mbamaren mba nan na nan ian i ôron takerada u nan soo yô. Aluer ve na nan ian i eren nahan yô, se fatyô u nan nan takerada shi alaghga kaan a nan ser nana za sha ijiir yase i jw.org la.

Shighe u u hidi u za sôron ma gumor u yange nan tese isharen yô, pine nan mbamaren mba nan. Kwagh ne una na se ian i pasen ityôkyaa i se ve yô, shi se fatyô u tesen ve kwaghwan u injaa u a lu ken Bibilo sha ci u icombor la. (Ps 119:86, 138) Aluer se tese icivir sha mbamaren mbara la yô, kwagh la a lu shiada u doon tsung, shi alaghga se zua a ian i pasen tsombor la cii loho u dedoo.—1Pe 2:12.