Setemba 16-22
PASALMI 85-87
Icam 41 man Msen | Mkaanem ma Hiin Mkombo (Miniti 1)
1. Msen Ngu a Wase Se u Wan Ishima
(Miniti 10)
Sôn Yehova a na i saan we iyol (Ps 86:4)
Sôn Yehova a wase u u za hemen u civir un sha jighjigh (Ps 86:11, 12; w12 5/15 25 ¶10)
Lu a jighjigh wer Yehova una ungwa mbamsen ou (Ps 86:6, 7; w23.05 13 ¶17-18)
PINE IYOL YOU WER, ‘Ka mea tagher a mbamzeyol nahan m seer eren mbamsen, shi m lam a Yehova shighe gôgônan kpa?’—Ps 86:3.
2. Akaainjaa a ken Bibilo
(Miniti 10)
-
Ps 86:11—Msen u Davidi la tese se nyi sha kwagh u ishima i oro? (it-1-E 1058 ¶5)
-
Ka akaainjaa a nyi u zough a mi ken Bibilo i ôron i ken kasua ne a u soo u ôron mbageneve?
3. Bibilo i Ôron
(Miniti 4) Ps 86:1–87:7 (th kwaghhenen u sha 12)
4. U Hiin Iliam a Or
(Miniti 3) SHIGHE U IAN I DUGH YÔ. Hii Bibilo i Henen a Or. (lmd ityough 3 ityôkwagh i sha 5)
5. Wase Mba Ve Soo u Fan Mimi La
(Miniti 4) SHIGHE U IAN I DUGH YÔ. Hii Bibilo i henen a or u yange nan kaa ér ishima za nan iyol sha kwagh u a er yô. (lmd ityough 7 ityôkwagh i sha 4)
6. Gema Ior ve Hingir Mbahenen
(Miniti 5) lff ityough 15 ityôkwagh i sha 5. U ngu lun her kasua u a lu van la ga. Pase gbenda u u ker sha u orhenen Bibilo wou nana hen kwagh shighe u u lu her ga la yô. (lmd ityough 10 ityôkwagh i sha 4)
Icam 83
7. De Gbe Uwer Ga
(Miniti 5) Kwaghôron u wan mba u lu lamen a ve la ker.
Tese VIDIO shon. Maa pine mba u lu lamen a ve la wer:
-
Ashighe agen iyol ka i kpe se a tom u pasenkwagh ne sha ci u nyi?
-
Doo u se gba uwer ga sha ci u nyi?
8. De Gbe Uwer u Hiin Bibilo i Henen a Ior Ga!
(Miniti 10) Kwaghôron u wan mba u lu lamen a ve la ker.
U hii Bibilo i henen a or ken antakeda u Lu Uma Gbem! la ken uwer u i lu eren kyampen i vesen i hiin Bibilo i henen a ior ne vee? A lu nahan yô, ka keng a saan we! Shi alaghga mbagenev kpa kwagh la una taver ve ishima. Kpa aluer u ngu a hii Bibilo i henen a or ga yô, alaghga tsô u lu henen wer shin iniôngon you la i wase jeo. Aluer iyol kpe u sha ci u u ngu a hii Bibilo i henen a or ga yô, ka nyi i doo u u er?
Tese VIDIO i “Se Mba Tesen sha Hanma Gbenda Cii Ser Se Mba Mbatomov mba Aôndo . . . sha Ishima i Wan”—Shighe u se lu pasen kwagh la. Maa pine mba u lamen a ve la wer:
-
Aluer tom wase u pasen kwagh la hingir se inja er se mba kenden kwagh shin “ihyungwa i zan kweng” nahan yô, 2 Mbakorinte 6:4, 6 la una wase se nena?
-
Aluer u nôngo wer u hii Bibilo i henen a ior kpa ka lun we inja er iniôngon you la ngi wasen ga yô, ka nyi i gbe u u nyôôso?
Umbur wer, ka iyengeior i se hii Bibilo i henen a ve shin se lu henen Bibilo a ve la i ne se msaanyol ga. Kpa kwagh u a ne se msaanyol yô, ka fan ér iniôngon yase la i doo Yehova. (Lu 10:17-20) Nahan yô, za hemen u eren tom kpoghuloo ken uwer u i lu eren kyampen i vesen i hiin Bibilo i henen a ior ne, ‘gadia se fa, ken Ter yô, ka gbilintom se eren ga’!—1Ko 15:58.
9. Bibilo i Henen ken Tiônnongo
(Miniti 30) bt ityough 15 ¶13-14 man ngeren u kiriki u sha peeji 121
