“Ikyurior igen ia mough ityav a ikyurior igen; tartor ugen kpaa ua mough ityav a tartor ugen. . . . Kpa akaa ne cii yô, ka a ka mhii u ican tsô.”

Mateu 24:7, 8

“Uprofeti mba aiev kpishi vea za va, vea tsume a ior kpishi. Man sha ci u mvende u vendan atindi una seer a seer nahan dooshima u mbagenev kpishi una ndôhôr.”

Mateu 24:11, 12

“Zum u nea ungwa kwagh u utya man igwa i utya kpaa yô, ishima i̱ de nyian ne ga, akaa ne aa er keng, kpa mkur una lu a kuma ga.”

Marku 13:7

“Ityartenger i vesen ia lu sha ajiir kposo kposo, kua ijen man ubombauangev kpaa; man akaa a cieryol man uivande mba vesen kpaa vea due sha aôndo.”

Luka 21:11

 “Ken ayange a masejime yô, ashighe a ican aa va. Gadia ior vea hingir mbawan ayol a ve iko tseegh man mba inyaregh ki doo ve ishima man mbahagher sha akaa man mbagengese iyol man mbaôron kwagh dang dang, man mbahemban mbamaren ve ato man mbalun a ishughun ga man mbalun wang ga, man mbalun a dooshima ga man mba ve soo u himen iyongo kpaa ga man mbaerenangereke man mbakôron ayol a ve tsaha ga man anomaior a bo man mba kwagh u dedoo a doo ve ga man mbapasen ior aker man mbawan uma ve ikyo ga man mbamoron ayol a ve man mba iember i iyolough i hembe doon ve a Aôndo la. Sha ashe yô mba a mlu u civir Aôndo la kpa mba geman mba nyiman agee la.”

2 Timothy 3:1-5