Hii iliam sha gbenda u ua kende isharen i mba u lu lamen a ve la yô. Tsua ma mpin shin kwaghôron gayô ôr kwagh u yange er kpôô kpôô yô, shin ôr kwagh u a er i dugh a mi ken pipaabaver, u una mgbegha mba u lu lamen a ve la u keghen ato a we yô.

Fa itinekwagh i u lu lamen sha mi la tsembelee. Nôngo sha er gbenda u u hii iliam la ua wase mba u lu lamen a ve la u fan itinekwagh man awashima u kwaghôron wou yô.

Tese er i hii ve itinekwagh shon i lu mba u lu lamen a ve la a inja yô. Gema kwagh u u soo u ôron la a zua sha mbamgbe mba ior mba u lu lamen a ve la kpôô kpôô. Gba u vea fa wang er itinekwagh shon ia fatyô u wasen ve jim jim yô.