KWAGHHENEN U SHA 4
Ôr Kwagh u Una Wase Ior u Veren Ishima sha Ivur i U Soo u Ôron Yô
Mateu 22:41-45
NGEREN U SAVEN: Wase mba u lu lamen a ve la ve ver ishima cii ve u mase ôron ivur Bibilo i u soo u ôron la ye.
ER U ER KWAGH NE YÔ:
-
Gbidye kwar fa er i hii ve u lu ôron ma ivur Bibilo yô. Ôr mkaanem ma u ôr cii ve u mase ôron ma ivur Bibilo la, sha gbenda u ua na mba u lu lamen a ve la, vea ver ishima sha ityôkwagh i vesen i i ne ve u lu ôron ivur Bibilo shon yô.
-
Ôron kwagh civin ken Bibilo wer ka i i lu tahav ou ye. Shighe u u lu lamen a ior mba ve ne Aôndo jighjigh yô, na ve fa ér Bibilo ka “Mkaanem ma Aôndo.” Sha nahan yô, u lu tesen wer ka i i lu gbenda u hemban cii u zuan a kwaghfan ye.
-
Na ior ve ver ishima sha ivur Bibilo i u soo u ôron la. Pine mpin u ivur Bibilo ia na mlumun sha mi yô, shin ter zayol u ivur Bibilo ia wase u sôron yô, gayô ôr ma kwaghwan u ken Ruamabera u i te iwanger sha mi ken Ruamabera yô.
