Se fatyô u keren akaainjaa ken Bibilo shighe u se ôr i yô. Nahan kpa, se er nena ve se hemba zuan a akaa a aa wase se?

Ver ishima sha kwagh u Bibilo i ôr la. Ikyav i tesen yô, nôngo fa or u nan nger kwagh u u lu ôron ken Bibilo, man or u yange nan lu ngeren kwagh shon hen a nan, kua ijiir i yange nan lu ve nan nger kwagh shon la kpaa. Hen sha kwagh u yange lu zan hemen hen shighe la, man u yange vande eren, kua kwagh u va er kera la kpaa.

Hen sha akaa a u fatyô u henen ken kwagh shon la sha u pinen iyol you mbampin mban: ‘Yange lu ior mba u ôr kwagh ve la ken ishima nena? Ka aeren a nyi nahan ve tese? Er nan ve i doo u me lu a aeren shon, shin me palegh a?’

Dondo akaa a u hen la. U fatyô u dondon akaa a u hen la ken kwaghpasen, shin shighe u u lu eren kwagh a ior yô. Aluer u er nahan yô u lu orfankwagh er Bibilo i ôr nahan. I kaa ér: “Or u nan lu a kwaghfan yô, nana̱ ver ishima sha akaa ne.”—Ps. 107:43.

• Kwagh u u er yô: Nenge er vegher u mkombo wase u ken atô u kasua u Akaainjaa a ken Mkaanem ma Aôndo la, ka a wase se u henen sha igbenda i se fatyô u dondon akaa a se hen la yô. Vegher ne ka a lu a mbampin mba se fatyô u pinen iyol yase, kua ufoto man atineakaa a se fatyô u henen sha mi zulee yô.