Anmgbian ugen vea kwase na ka ve ôr ngeren u pasen kwagh u or la hanma iyange pepe, ve kaa ér: “Ka sea ôron ngeren ne yô, se zua a ishimataver shi i saan se iyol kpishi! Ngeren mban ka ve umbur se ér se kpa se fatyô u civir Aôndo sha mimi ken hanma mlu cii.” Anmgbian u kwase ugen kpa nenge nahan, a nger ér: “Ngeren mban ka ve surum ishima shi ve taver mo ishima, shi ka ve kôr ken ishima kpen kpen. Anmgbianev asev mba nomso man mba kasev fa ityôkyaa i ve lu uma yô, shi saan ve iyol kpishi. Ngeren mba pasen akaa a ve la ka ve na yô, m soo u seer eren tom wase u pasen kwagh la, shi ka ve taver mo ishima u yesen mbayev av mer ve kpa ve va tsua u eren Yehova tom hanma shighe cii.”

Ngeren mba pasen kwagh u or mbara vea taver we ishima u seer eren Yehova tom, den wer mbamyen ou ve na u iyolkpen ga, shi zan hemen u civir Yehova sha mimi saan saan man a ishima i wan shighe u mbamzeyol mba vesen ve te sha a we yô. U er nan ve u zua a ngeren mbana?

• Nenge ngeren mba i duen a mi hanma shighe hen ape i nger ér “Life Stories of Jehovah’s Witnesses” la, sha jw.org shin JW Library®.

• Ker “Life Stories of Jehovah’s Witnesses” sha Watchtower ONLINE LIBRARY^™ gayô ken Watchtower Library.