Ka shighe u se ze mbamkombo shin mbamkohol mba kiriki shin mbamkohol mba vesen la tseegh se civir Yehova ga. Kpa ka se civir un shighe u se lu tswen, shin se civir un vea tsombor wase imôngo. Nenge mbamhen mba u fatyô u dondon shighe u u lu henen kwagh sha tseeneke wou, shin u lu eren mcivir u hen tsombor yô:

• U fatyô u wan iyol sha mbamkombo mba tiônnongo. U fatyô u henen atsam kpaa, gayô u fatyô u wasen hanma or hen tsombor wou u wan iyol sha ikyaa i nana za na ken mkombo yô.

• U fatyô u tsuan ma ijiir ken Bibilo i u soo yô, ôron. U been yô, kpela kwagh u u ôr la, gayô nger kwagh u u hen la shin takeda.

• Ôr ma msen u i nger ken Bibilo yô, shi hen sha gbenda u kwagh u u ôr la una wase u nahan mbamsen ou vea hemba doon yô.

• Nenge ma vidio sha jw.org, maa lam sha mi vea mbagenev gayô nger kwagh u u hen la shin takeda.

• Wa iyol sha kwaghpasen sha u karen iyol sha kwagh u ne due kwaghpasen ve ne za lam a ior sha mi yô.

• Kenger akaa a igbetar shi hen sha mi, gayô lam nen sha akaa a ne hen ken a sha kwagh u Yehova yô. a